തിരുവനന്തപുരം : സംസ്ഥാനത്ത് തീവ്ര മഴയ്ക്ക് സാധ്യത. 11 ജില്ലകളിൽ ഓറഞ്ച് അലർട്ട്. തിരുവനന്തപുരം മുതൽ കോഴിക്കോട് വരെ ഓറഞ്ച് അലർട്ട്. ഇടുക്കിയിൽ പല സ്ഥലങ്ങളിലും ഇടവിട്ട് ശക്തമായ മഴ പെയ്യുന്നു. ഹൈറേഞ്ച് മേഖലയിൽ മഴ ശക്തമായി. പത്തനംതിട്ടയിൽ കനത്ത മഴയാണ്. കക്കി ആനത്തോട് അണക്കെട്ടിൻ്റെ ഷട്ടറുകൾ ഉടൻ തുറന്നേക്കും.
ശക്തമായ മഴയിൽ കുട്ടനാട്ടിൽ പലഭാഗത്തും രൂക്ഷമായ വെള്ളക്കെട്ട് ഉണ്ടായി. എസി റോഡിൽ പള്ളിക്കൂട്ടുമ്മ, രാമങ്കരി ഭാഗത്ത് വെള്ളം കയറി. തിരുവനന്തപുരം ചെമ്പകമംഗലത്ത് മഴയിൽ വീടിന്റെ ചുമരിടിഞ്ഞ് വീണു. രണ്ടു കുട്ടികൾക്ക് പരിക്കേറ്റു. ഇന്നലെ രാത്രി കുട്ടികൾ ഉറങ്ങുകയായിരുന്ന കട്ടിലിലേക്കാണ് ചുമരിടിഞ്ഞ് വീണത്. അത്ഭുതകരമായി കുട്ടികൾ രക്ഷപ്പെട്ടു. കാര്യമായ പരിക്കുകൾ ഇല്ല.