പ്രളയ ദുരിതത്തിൽ പെട്ടവർക്ക് അടിയന്തിര സഹായം ലഭ്യമാക്കണമെന്ന് ഡി.സി.കെ

ചെങ്ങന്നൂർ : ‘പ്രളയ ദുരിതത്തിൽ പെട്ടവർക്ക് അടിയന്തിര സഹായം ലഭ്യമാക്കുന്നതിനാവശ്യമായ നടപടി സ്വീകരിക്കണമെന്ന് ഡെമോക്രാറ്റിക് കോൺഗ്രസ് കേരള ചെങ്ങന്നൂർ നിയോജക മണ്ഡലം കമ്മറ്റി ആവശ്യപ്പെട്ടു. അടിക്കടിയുണ്ടായ പ്രളയ ദുരിതത്തില്‍പ്പെട്ട കുടുബങ്ങളിലെ കന്നുകാലികൾക്ക് സൗജന്യമായി കാലീ തീറ്റ വിതരണം ചെയ്യുന്നതിനും സർക്കാർ നടപടി സ്വീകരിക്കണമെന്നും യോഗം ആവശ്യപ്പെട്ടു. സംസ്ഥാന ജനറൽ സെക്രട്ടറി ജിജി പുന്തല യോഗം ഉദ്ഘാടനം ചെയ്തു. ഹരികുമാർ ശിവാലയം അദ്ധ്യക്ഷത വഹിച്ചു. ടി.പി.രാജൻ, ഷബീർ അബ്ബാസ്, ടി.ജയൻ, സോമേഷ് ചെന്നിത്തല, മനീഷ് ചെന്നിത്തല എന്നിവർ സംസാരിച്ചു, ടി.ജയൻ നിയോജക മണ്ഡലം ജെനറൽ സെക്രട്ടറി, ഉണ്ണി കോട്ടമുറി വൈസ് പ്രസിഡന്റ് ആയും യോഗം തെരഞ്ഞെടുത്തു.