തിരുവനന്തപുരം : സാമൂഹ്യ മാധ്യമങ്ങള് വഴി തന്നെ അപമാനിച്ചവര്ക്കെതിരെ നിയമ നടപടിയുമായി പ്രതിപക്ഷ നേതാവ്. വി.ഡി സതീശന് നല്കിയ പരാതിയില് രണ്ടുപേര്ക്കെതിരെ പോലീസ് ഇതിനോടകം തന്നെ കേസെടുത്തിട്ടുണ്ട്. വടക്കേക്കര സ്വദേശി പി.എസ് രാജേന്ദ്രപ്രസാദ്, ചിറ്റാറ്റുകര പറയകാട് സ്വദേശി ഇ.എം നായിബ് എന്നിവര്ക്കെതിരെ ജാമ്യമില്ലാ വകുപ്പുകള് ചുമത്തിയാണ് പറവൂര് പോലീസ് കേസെടുത്തിരിക്കുന്നത്.
ഒരു സ്ത്രീ തനിക്കെതിരെ അശ്ലീല വിഡിയോ പുറത്തുവിട്ടതിനെ തുടര്ന്നാണ് വി.ഡി സതീശന് മുഖ്യമന്ത്രിക്ക് പരാതി നല്കിയത്. ഇതിന്റെ അടിസ്ഥാനത്തിലാണ് തിരുവനന്തപുരം സിറ്റി സൈബര് പോലീസ് കേസ് രജിസ്റ്റര് ചെയ്തത്. ഈ വീഡിയോ സമൂഹ മാധ്യമങ്ങളില് വ്യാപകമായി പ്രചരിപ്പിച്ചവരെക്കുറിച്ചും ഷെയര് ചെയ്തവരെക്കുറിച്ചും സൈബര് പോലീസ് അന്വേഷണം ആരംഭിച്ചിട്ടുണ്ട്.