ഇടുക്കി : മുല്ലപ്പെരിയാര് അണക്കെട്ടിലെ ജലനിരപ്പില് നേരിയ കുറവ്. നിലവില് 141.90 അടിയാണ് അണക്കെട്ടിലെ ജലനിരപ്പ്. തുറന്നിരുന്ന ആറ് ഷട്ടറുകളില് രണ്ടെണ്ണം അടച്ചു. പെരിയാര് തീരത്ത് ആശങ്ക വേണ്ടെന്ന് അധികൃതര് അറിയിച്ചു. 142 അടിയാണ് അണക്കെട്ടിന്റെ പരമാവധി സംഭരണ ശേഷി. ഇന്നലെ പുലര്ച്ചെ മുല്ലപ്പെരിയാര് അണക്കെട്ടില് ജലനിരപ്പ് 142 അടിയായി ഉയര്ന്നിരുന്നു. ഇതിനുപിന്നാലെ കൃത്യമായ മുന്നറിയിപ്പ് നല്കാതെ തമിഴ്നാട് കൂടുതല് ഷട്ടറുകള് തുറന്നു. ഇതോടെ പെരിയാറില് നാലടിയിലേറെ ജലനിരപ്പ് ഉയര്ന്നിരുന്നു.
നിരവധി വീടുകളില് വെള്ളം കയറി. ഇടുക്കി അണക്കെട്ടില് ജലനിരപ്പ് ഉയര്ന്നു. നിലവില് 2400.52 അടിയാണ് അണക്കെട്ടിലെ ജലനിരപ്പ്. 2401 അടിയെത്തിയാല് ഇടുക്കിയില് ഓറഞ്ച് അലര്ട്ട് പ്രഖ്യാപിക്കും. പരമാവധി ജലം മൂലമറ്റം നിലയത്തില് വൈദ്യുതി ഉത്പാദനത്തിനായി കൊണ്ടുപോകുന്നുണ്ട്.