ജിദ്ദ : സൗദിയിൽ വെള്ളത്തിന്റെ ടാങ്ക് ദേഹത്തു വീണ് മലയാളി യുവാവ് മരിച്ചു. മലപ്പുറം ചട്ടിപ്പറമ്പ് സ്വദേശി ഷഹീദ് (23) ആണു നജ്റാനില് ടാങ്ക് ദേഹത്തു വീണു മരിച്ചത്. വെളളം വിതരണം ചെയ്യുന്ന ലോറിയില് ഡ്രൈവറായ ഷഹീദ് സനാഇയ ഭാഗത്ത് വെള്ളം പമ്പ് ചെയ്യുന്നതിനിടെ ടാങ്ക് ദേഹത്തു വീഴുകയായിരുന്നു.
ടാങ്കർ ലോറിയിൽ നിന്നു ടാങ്കിലേയ്ക്ക് വെള്ളം അടിക്കുന്നതിനിടെ ടാങ്കിൽ വെള്ളം നിറഞ്ഞതോടെ ടാങ്കിന്റെ ഇരുമ്പ് സ്റ്റാന്റ് സഹിതം മറിഞ്ഞു വീഴുകയായിരുന്നു. ഇതിനിടയിൽപ്പെട്ട് ഗുരുതര പരുക്കേറ്റ ഷഹീദിനെ ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പിതാവ് – സലാം കുറ്റിക്കാടന്. മാതാവ് – സാജിദ. നജ്റാന് കിംങ് ഖാലിദ് ആശുപത്രി മോര്ച്ചറയില് സൂക്ഷിച്ചിരിക്കുന്ന മൃതദേഹം നാട്ടില് എത്തിക്കാനുള്ള നടപടിക്രമങ്ങള്ക്ക് കെഎംസിസി പ്രവർത്തകർ രംഗത്തുണ്ട്.