ഇടുക്കി : മുന്നറിയിപ്പില്ലാതെ മുല്ലപ്പെരിയാര്‍ അണക്കെട്ട് തുറക്കുന്നുവെന്ന വിഷയത്തില്‍ തമിഴ്‌നാടിനെതിരെ സുപ്രീംകോടതിയില്‍ സത്യവാങ്മൂലം. ഡിസംബര്‍ 10 ന് സുപ്രീംകോടതി മുല്ലപ്പെരിയാര്‍ വിഷയവുമായി ബന്ധപ്പെട്ട ഹര്‍ജി പരിഗണിക്കാനിരിക്കെയാണ് നടപടി. ഡോ. ജോ ജോസഫ് സുപ്രീംകോടതിയില്‍ സത്യവാങ്മൂലം സമര്‍പ്പിച്ചു. വിഷയത്തില്‍ സുപ്രീംകോടതി ഇടപ്പെടണമെന്ന് ആവശ്യപ്പെട്ടാണ് സത്യവാങ്മൂലം.
മുന്നറിയിപ്പില്ലാതെ രാത്രി കാലങ്ങളില്‍ ഡാമിന്റെ ഷട്ടറുകള്‍ തുറന്നു വിടുന്നത് ജനങ്ങളെ പരിഭ്രാന്തരാകുന്നുണ്ട്. മേല്‍നോട്ട സമിതിയും ഈ വിഷയത്തില്‍ ഇടപെടണമെന്നും സത്യവാങ്മൂലത്തില്‍ വ്യക്തമാക്കുന്നു. കേരള സര്‍ക്കാരും മുന്നറിയിപ്പില്ലാതെ ഷട്ടറുകള്‍ തുറന്നുവിട്ട തമിഴ്നാടിന്റെ നടപടി സുപ്രീംകോടതിയില്‍ ഉന്നയിക്കുമെന്ന് കഴിഞ്ഞ ദിവസം അറിയിച്ചിരുന്നു.
