കൊല്ലം : ഇരുചക്ര വാഹന മോഷ്ടാവ് പോലീസ് പിടിയിലായി. ദക്ഷിണ കേരളത്തിലെ വിവിധ സ്ഥലങ്ങളില്നിന്ന് മോട്ടോര് സൈക്കിളുകള് മോഷ്ടിക്കുന്നയാളെ പോലീസ് പിടികൂടി. കടയ്ക്കല് അയിരക്കുഴി പൊങ്ങലുകാട് കിഴക്കുംകരപുത്തന് വീട്ടില് കെ. റാഫി (38) ആണ് പിടിയിലായത്. മോഷണക്കേസുകളില് മുമ്പ് ജയില് ശിക്ഷ അനുഭവിച്ച ഇയാളെ സംബന്ധിച്ച് ജില്ല പോലീസ് മേധാവി ടി. നാരായണന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് തെരച്ചില് നടത്തിയത്.
കിളികൊല്ലൂര് മൂന്നാംകുറ്റിയില് മോഷണ ശ്രമത്തിനിടെ പ്രതിയെ പിടികൂടുകയായിരുന്നു. കിളികൊല്ലൂര് പോലീസിന്റെ സഹായത്തോടെ കൊട്ടിയം പോലീസും ജില്ല പോലീസ് മേധാവിയുടെ സഗോക്ക് ടീമും (എസ്.എ.ജി.ഒ.സി) ചേര്ന്നാണ് പിടികൂടിയത്. ഓച്ചിറ, പരവൂര്, കൊട്ടിയം, പാരിപ്പള്ളി, ചങ്ങനാശ്ശേരി, കോട്ടയം എന്നിവിടങ്ങിളില്നിന്ന് മോഷണം പോയ ഇരുചക്ര വാഹനങ്ങള് ഇയാളില്നിന്ന് കണ്ടെത്തി.
താക്കോല് ബൈക്കില് നിര്ത്തി കടയുടെ മുന്നിലും മറ്റും പാര്ക്ക് ചെയ്യുന്നവയാണ് ഇയാള് മോഷ്ടിക്കുന്നത്. ബൈക്കിലെ ഡാഷ് ബോര്ഡ് പരിശോധിച്ച ശേഷം എണ്ണ തീരുന്ന മുറയ്ക്ക് എത്തിച്ചേരുന്ന സ്ഥലത്ത് ഉപേക്ഷിച്ച് പോകുകയാണ് പതിവ്. ഇയാളില്നിന്ന് ലഭിച്ച വിവരങ്ങളുടെ അടിസ്ഥാനത്തില് പോലീസ് നടത്തിയ പരിശോധനയിലാണ് വിവിധ സ്ഥലങ്ങളില്നിന്ന് മോഷണം പോയ ബൈക്കുകള് ലഭിച്ചത്. കിളികൊല്ലൂര് ഇന്സ്പെക്ടര് കെ. വിനോദ്, എസ്.ഐമാരായ സുരേഷ് കുമാര്, കൊട്ടിയം സബ് ഇന്സ്പെക്ടര്മാരായ ഷിഹാസ്, റഹിം, ജോയി, അഷ്ടമന്, മധുസൂദനന്പിള്ള, എ.എസ്.ഐ ബൈജു ജെറോം, എസ്.സി.പി.ഒ സീനു എന്നിവരടങ്ങിയ സംഘമാണ് പിടികൂടിയത്. ഇയാളെ റിമാന്ഡ് ചെയ്തു.