കൊച്ചി : നടിയെ ആക്രമിച്ച കേസില് മുഖ്യമന്ത്രിയോട് നീതി നടത്തണമെന്ന് ആവശ്യപ്പെട്ട് മലയാള സിനിമയിലെ വനിതാകൂട്ടായ്മയായ ഡബ്ല്യുസിസി. സംഘടനയുടെ ഫേസ്ബുക്ക് പേജിലൂടെയാണ് മുഖ്യമന്ത്രിയോടും സര്ക്കാരിനോടും ആവശ്യം ഉന്നയിച്ചിരിക്കുന്നത്. നീതിക്ക് വേണ്ടിയുള്ള പോരാട്ടത്തിന്റെ അഞ്ചാം വാര്ഷികത്തിലേക്ക് കടക്കുമ്പോള് സമഗ്രമായ അന്വേഷണവും തൃപ്തികരമായ വിചാരണയും ഉറപ്പാക്കുന്ന ഇടപെടലാണ് മുഖ്യമന്ത്രിയുടെ ഭാഗത്തുനിന്ന് തങ്ങളുടെ സഹപ്രവര്ത്തക ആവശ്യപ്പെട്ടിരിക്കുന്നതെന്ന് സംഘടന പറയുന്നു.
അവള്ക്കൊപ്പമെന്ന ഹാഷ്ടാഗും ഫേസ്ബുക്കില് നല്കിയിട്ടുണ്ട്. എന്നാല് കേസില് തിരിമറി നടത്തുന്നത് അന്വേഷണ ഉദ്യോഗസ്ഥനായ ബൈജു പൗലോസാണെന്ന് ദിലീപ് കഴിഞ്ഞ ദിവസം ആരോപിച്ചിരുന്നു. നടിയെ ആക്രമിച്ച കേസിലെ പ്രോസിക്യൂട്ടര് കേസില് നിന്ന് ഒഴിവായിരുന്നു.