മാലിന്യ ശേഖരണത്തിന് ഹരിത കര്‍മ്മ സേനാംഗങ്ങളുടെ എണ്ണം കൂട്ടി

തിരുവനന്തപുരം : മാലിന്യ ശേഖരണത്തിന് തദ്ദേശ സ്ഥാപനങ്ങള്‍ക്കു കീഴിലുള്ള ഹരിത കര്‍മ്മ സേനാംഗങ്ങളുടെ എണ്ണം കൂട്ടി എല്ലാ വാര്‍ഡിലും വിന്യസിക്കുമെന്നു മന്ത്രി എം.വിഗോവിന്ദന്‍ വ്യക്തമാക്കി. സേനാംഗങ്ങളുടെ വരുമാനക്കുറവ് തദ്ദേശ സ്ഥാപനങ്ങള്‍ നികത്തണം. മാലിന്യ സംസ്‌കരണ പദ്ധതികള്‍ക്കു പണം തടസ്സമാകില്ല. നഗര വികസനത്തിനായുള്ള ‘അമൃത് 1’ പദ്ധതി വഴി ലഭ്യമായ 2000 കോടി രൂപയ്ക്കു പുറമേ, ലോക ബാങ്ക് സഹായത്തോടെയുള്ള കേരള ഖരമാലിന്യ സംസ്‌കരണ പദ്ധതി വഴി 2500 കോടി രൂപയും ‘അമൃത് 2’ പദ്ധതി വഴി 4000 കോടിയും കൂടി ലഭ്യമാകും. ലോക ബാങ്ക് സഹായം ലഭിക്കുന്നതിനു മുന്നോടിയായി കേന്ദ്രവും സംസ്ഥാനവും തമ്മില്‍ കരാര്‍ ഒപ്പിടാനുള്ള നടപടികള്‍ പൂര്‍ത്തിയായി, ഇതിനായി ശുചിത്വ മിഷന്‍ ഡയറക്ടറെ ചുമതലപ്പെടുത്തി.