കൊല്ലം : യുവതിയെ ഭര്തൃവീട്ടില് മരിച്ച നിലയില് കണ്ടെത്തി. ചവറ തോട്ടിനുവടക്ക് കോട്ടയില് വടക്കേതില് ശ്യാംരാജിന്റെ ഭാര്യ സ്വാതിശ്രീ (22) ആണ് മരിച്ചത്. ഇന്നലെ രാവിലെയാണ് കിടപ്പുമുറിയിലെ ഫാനില് തൂങ്ങിയ നിലയില് കണ്ടെത്തിയത്. ബന്ധുക്കളും നാട്ടുകാരും ചേര്ന്ന് കതക് പൊളിച്ചു പുറത്തെടുത്ത് ജില്ലാ ആശുപത്രിയില് എത്തിച്ചെങ്കിലും മരിച്ചു. ആറു മാസം മുന്പാണ് ശ്യാം രാജും സ്വാതിശ്രീയും വിവാഹിതരാവുന്നത്. ഏറെ നാളത്തെ പ്രണയത്തിന് ശേഷമായിരുന്നു വിവാഹം. മരണത്തില് ദുരൂഹത ആരോപിച്ച് ബന്ധുക്കള് രംഗത്തെത്തി. തേവലക്കര പാലയ്ക്കല് തോട്ടുകര വീട്ടില് പി.സി രാജേഷിന്റെയും ബീനയുടെയും മകളാണ്. മരണത്തില് ദുരൂഹത ആരോപിച്ച് പിതാവ് ചവറ പോലീസ് സ്റ്റേഷനില് പരാതി നല്കി. സംഭവസമയം ശ്യാംരാജ് പിതാവിനൊപ്പം തിരുവനന്തപുരം മെഡിക്കല് കോളജ് ആശുപത്രിയിലായിരുന്നുവെന്ന് പറഞ്ഞതെന്ന് പോലീസ് അറിയിച്ചു. അസ്വാഭാവിക മരണത്തിന് പോലീസ് കേസെടുത്തു.
യുവതിയെ ഭര്തൃവീട്ടില് മരിച്ച നിലയില് കണ്ടെത്തി
RECENT NEWS
Advertisment