യുവമോര്‍ച്ച – ബിജെപി പ്രവര്‍ത്തകര്‍ റോഡ് സഞ്ചാരയോഗ്യമാക്കി പ്രതിഷേധിച്ചു

കോന്നി : ഇളകൊള്ളൂർ എൻഎസ്എസ് കരയോഗം – കുന്നുംപുറം റോഡ് സഞ്ചാരയോഗ്യമാക്കണമെന്ന് ആവശ്യപ്പെട്ട് യുവമോർച്ച, ബിജെപി പ്രവർത്തകർ അപകട മേഖലയിൽ റോഡ് സഞ്ചാരയോഗ്യമാക്കി പ്രതിഷേധിച്ചു. ബിജെപി പ്രമാടം മേഖല സെക്രട്ടറി അനീഷ് ഇളകൊള്ളൂർ,യുവമോർച്ച പ്രമാടം മേഖല പ്രസിഡന്റ് വൈശാഖ്, കുമ്പഴ മുൻസിപ്പാലിറ്റി പ്രസിഡന്റ് രാകേഷ്, 105 നമ്പർ ബൂത്ത് കമ്മറ്റി ജനറൽ പ്രസിഡന്റ് രഘുനാഥൻ നായർ, 104 നമ്പർ ബൂത്ത് പ്രസിഡന്റ് പ്രദീപ് കുമാർ മേലേടത്ത് എന്നിവർ പങ്കെടുത്തു. അടിയന്തിരമായി റോഡ് സഞ്ചാരയോഗ്യമാക്കണമെന്നും, അല്ലാത്തപക്ഷം ശക്തമായ സമര പരിപാടികളുമായി പ്രദേശവാസികളെ പങ്കെടുപ്പിച്ച് മുന്നോട്ട് പോകുമെന്നും പ്രവർത്തകർ പറഞ്ഞു.