ചെങ്ങന്നൂർ: കാർഷിക ഉൽപ്പന്നങ്ങൾക്ക് മിനിമം താങ്ങ് വില ഉറപ്പാക്കുക, വൈദ്യുതി ഭേദഗതി ബിൽ 2020 പിൻവലിക്കുക, ഗ്രാമീണ മേഖലയിലെ ദരിദ്രർക്ക് വർഷം മുഴുവൻ തൊഴിൽ നൽകുക, രാസവളമുൾപ്പടെ എല്ലാ കൃഷി സാമഗ്രികൾക്കും ചുരുങ്ങിയ നിരക്കിൽ ലഭ്യത ഉറപ്പു വരുത്തുക, ചെറുകിട ഇടത്തരം കർഷകർക്കും കടാശ്വാസം അനുവദിക്കുക എന്നീ ആവശ്യങ്ങൾ ഉന്നയിച്ചു കൊണ്ട് എഐകെകെഎംഎസ് അഖിലേന്ത്യാ തലത്തിൽ നടത്തുന്ന വാരാചരണത്തിന്റ ഭാഗമായി കല്ലിശ്ശേരിയിൽ വാരാചരണ പ്രചാരണ യോഗം സംഘടിപ്പിച്ചു.
ജില്ലാ പ്രസിഡന്റ് ടി.കെ.ഗോപിനാഥൻ അദ്ധ്യക്ഷത വഹിച്ച യോഗത്തിൽ സംസ്ഥാന കമ്മിറ്റി അംഗം ബി.ഭദ്രൻ മുഖ്യപ്രസംഗം നടത്തി.ജില്ലാ കമ്മിറ്റി അംഗം വി.വേണുഗോപാൽ, എഐയുടിയുസി താലൂക്ക് സെക്രട്ടറി മധു ചെങ്ങന്നൂർ, എസ് യു സി ഐ (കമ്മ്യൂണിസ്റ്റ്) പാർട്ടി ലോക്കൽകമ്മിറ്റി സെക്രട്ടറി ടി.കോശി എന്നിവർ പ്രസംഗിച്ചു.