ചെങ്ങന്നൂര്‍ : ഇടനാട് വഞ്ചിപ്പോട്ടില്‍ കടവില്‍ നടക്കുന്ന മണലൂറ്റ് ഭാരണകക്ഷിയുടേയും ഉദ്യോഗസ്ഥരുടേയും ഒത്താശയോടുകൂടിയാണെന്ന് യൂത്ത് കോണ്‍ഗ്രസ് നിയോജക മണ്ഡലം കമ്മിറ്റി ആരോപിച്ചു. നിലവിലെ സാഹചര്യത്തില്‍ യന്ത്രങ്ങള്‍ ഉപയോഗിച്ച് മണല്‍ നീക്കുവാന്‍ പാടില്ല എന്ന നിയമം നിലനില്‍ക്കെ ആ നിയമങ്ങളെല്ലാം കാറ്റില്‍പറത്തിക്കൊണ്ടാണ് അനധികൃത മണലെടുപ്പ് നടക്കുന്നത്. ഇതിനെതിരെ ശക്തമായ നടപടി സ്വീകരിക്കുവാന്‍ ഉദ്യോഗസ്ഥര്‍ തയ്യാറായില്ലെങ്കില്‍ ശക്തമായ സമര പരിപാടികളുമായി യൂത്ത് മുന്നട്ട് പോകുമെന്ന് പ്രസിഡന്റ് ഗോപു പുത്തന്‍മഠത്തില്‍ അറിയിച്ചു.
ചെങ്ങന്നൂരില്‍ മണ്ണ് മാഫിയക്കും മണല്‍ മാഫിയക്കും കുടപിടിക്കുന്ന രീതിയിലാണ് അധികാര രാഷ്ട്രീയ കേന്ദ്രങ്ങള്‍ മുന്നോട്ടു പോകുന്നത്. ഇത് തുടര്‍ന്നാല്‍ ശക്തമായ സമരവുമായി യൂത്ത് കോണ്‍ഗ്രസ് മുന്നിട്ടിറങ്ങും. നിയോജന മണ്ഡലം പ്രസിഡന്റ് ഗോപു പുത്തന്‍ മഠത്തില്‍ അദ്ധ്യക്ഷത വഹിച്ചയോഗം യൂത്ത് കോണ്‍ഗ്രസ് സംസ്ഥാന കമ്മറ്റിയംഗം വരുണ്‍ മട്ടയ്ക്കല്‍ ഉദ്ഘാടനം ചെയ്തു. ജില്ലാ കമ്മറ്റിയംഗം ജയ്‌സണ്‍ ചാക്കോ, മിഥുന്‍ മയൂരം, ഷമീം റാവുത്തര്‍, ലിജോ ജോസ്, മണ്ഡലം പ്രസിഡന്റുമാരായ സുബിന്‍ പുത്തന്‍കാവ്, അനു പുന്തല, അഭിലാഷ് പുലിയൂര്‍, സുജിത്ത് വെണ്മണി എന്നിര്‍ സംസാരിച്ചു.
