നെടുങ്കണ്ടം : ചിന്നക്കനാല് ബി.എല്. റാമില് യുവാവിനെ എയര് ഗണ് കൊണ്ട് വെടിവെച്ച സംഭവത്തില് പ്രതിയായ കരുപ്പക്കാട്ട് ബിജു വര്ഗീസിനെ (38) പോലീസ് അറസ്റ്റ് ചെയ്തു. തുടര്ന്ന് ഇയാളെ നെടുങ്കണ്ടം കോടതി റിമാന്ഡ് ചെയ്തു. പ്രതിക്കെതിരെ കൊലപാതക ശ്രമത്തിനാണ് കേസെടുത്തിരിക്കുന്നത്. അതെസമയം എയര് ഗണ് പെല്ലറ്റ് വയറില് തറച്ചുകയറിയ ബി.എല് റാം സ്വദേശി മൈക്കിള് രാജ് (29) കോട്ടയം മെഡിക്കല് കോളജ് ആശുപത്രിയില് ചികിത്സയിലാണ്. മൈക്കിള്രാജ് അപകടനില തരണം ചെയ്തിട്ടുണ്ടെന്ന് പോലീസ് അറിയിച്ചു. വെള്ളിയാഴ്ച വൈകുന്നേരത്തോടെയാണ് ബിജു വര്ഗീസ് മൈക്കിള്രാജിനെ എയര് ഗണ് ഉപയോഗിച്ച് വെടിവെച്ചത്. ബിജു വര്ഗീസ് ബി.എല് റാമിനു സമീപത്തെ തോട്ടത്തിലേക്ക് വാഹനത്തില് പോകുമ്പോള് എതിരെവന്ന മൈക്കിള്രാജിന്റെ വാഹനത്തിന് സൈഡ് കൊടുക്കുന്നതുമായി ബന്ധപ്പെട്ടുണ്ടായ തര്ക്കമാണ് വെടിവെപ്പില് കലാശിച്ചത്.
യുവാവിനെ എയര് ഗണ് കൊണ്ട് വെടിവെച്ച സംഭവത്തില് പ്രതിയെ അറസ്റ്റ് ചെയ്തു
RECENT NEWS
Advertisment