സ്വത്തിന് വേണ്ടി അമ്മയെ ക്രൂരമായി മര്‍ദിച്ച സംഭവത്തില്‍ മകന്‍ അറസ്റ്റില്‍

ഗുണ്ടൂര്‍ : സ്വത്തിന് വേണ്ടി അമ്മയെ ക്രൂരമായി മര്‍ദിച്ച സംഭവത്തില്‍ മകന്‍ അറസ്റ്റില്‍. തടേപ്പള്ളി സ്വദേശിയായ ഷേഹു എന്ന (49) ആളാണ് അറസ്റ്റിലായത്. ഭാര്യയുമായി ചേര്‍ന്നാണ് ഷേഹു അമ്മ നാഗമണി എന്ന 81 കാരിയെ ക്രൂരമായി മര്‍ദിച്ചത്. മൂത്ത മകനായ ഷേഹുവിനൊപ്പമായിരുന്നു അമ്മ നാഗമണി താമസിച്ചിരുന്നത്. ഷേഹു അമ്മയെ മര്‍ദിക്കുന്നത് കണ്ട അയല്‍വാസികള്‍ ദൃശ്യങ്ങള്‍ മൊബൈല്‍ ഫോണില്‍ പകര്‍ത്തുകയും തുടര്‍ന്ന് പോലീസിനെ വിവരമറിയിക്കുകയുമായിരുന്നു. തുടര്‍ന്ന് പോലീസെത്തി ഇയാളെ അറസ്റ്റ് ചെയ്‌തു.