റാന്നി : പഴവങ്ങാടി ഗ്രാമ പഞ്ചായത്ത് ഫണ്ട് ഉപയോഗിച്ച് നവീകരിച്ച പഴവങ്ങാടിക്കര ഗവൺമെന്റ് യുപി സ്കൂൾ മുകളിലത്തെ നില കെട്ടിട സമർപ്പണവും, 156 മത് വാർഷികവും, പ്രഥമ അധ്യാപകൻ രാജ്മോഹൻ തമ്പിക്ക് യാത്രയയപ്പും, എൻഡോവ്മെന്റ് വിതരണവും നടത്തി. പഴവങ്ങാടി ഗ്രാമ പഞ്ചായത്ത് പ്രസിഡന്റ് അനിതാ അനിൽകുമാർ ഉദ്ഘാടനം ചെയ്തു. പിടിഎ പ്രസിഡന്റ് ബാബു തോമസ് അധ്യക്ഷത വഹിച്ചു. എൻഡോവ്മെന്റ് വിതരണം ഗ്രാമപഞ്ചായത്ത് വൈസ് പ്രസിഡന്റ് ജോൺ എബ്രഹാം നിർവഹിച്ചു.
സമ്മാനദാനം ഗ്രാമ പഞ്ചായത്ത് സ്ഥിരം സമിതി അധ്യക്ഷ സീമ മാത്യു നിർവഹിച്ചു. പ്രഥമധ്യാപകന് രാജ്മോഹന് തമ്പി, ബി പി സി കോ – ഓർഡിനേറ്റർ ഷാജി എ സലാം എന്നിവരെ വാർഡംഗം ബിനിറ്റ് മാത്യു ആദരിച്ചു. അധ്യാപകരായ മിനി പി സദാശിവൻ, എഫ് അജിനി, ഷിബി സൈമൺ, നിഷാ വിജയൻ, ഗോപാലകൃഷ്ണൻ നായർ എന്നിവർ പ്രസംഗിച്ചു.