എൽഡിഎഫ് തെരഞ്ഞെടുപ്പ് കൺവൻഷൻ നടത്തി

കോന്നി : കോന്നി ഗ്രാമപഞ്ചായത്ത് പതിനെട്ടാം വാർഡ് ഉപതെരഞ്ഞെടുപ്പ് മെയ് 17ന്. എൽഡിഎഫ് സ്ഥാനാർത്ഥി പി ഗീതയുടെ തെരഞ്ഞെടുപ്പ് വിജയത്തിനായി എൽഡിഎഫ് കൺവൻഷൻ നടത്തി. സിപിഐ എം ജില്ലാ സെക്രട്ടറി കെ പി ഉദയഭാനു ഉദ്ഘാടനം ചെയ്തു. എൽഡിഎഫ് പഞ്ചായത്ത് കൺവീനർ എ ദീപുകുമാർ അധ്യക്ഷനായി. സിപിഐ എം ഏരിയ സെക്രട്ടറി ശ്യാംലാൽ, ബ്ലോക്ക് പഞ്ചായത്ത് പ്രസിഡൻ്റ് ജിജി സജി, ഏരിയ കമ്മിറ്റി അംഗങ്ങളായ പി എസ് കൃഷ്ണകുമാർ ,എം എസ് ഗോപിനാഥൻ, വി മുരളീധരൻ, കെ ആർ ജയൻ, വർഗ്ഗീസ് ബേബി, ടി രാജേഷ് കുമാർ, ആർ ഗോവിന്ദ്, ജിജോ മോഡി, ലോക്കൽ സെക്രട്ടറി പി ആർ സുധാകുമാർ, സിപിഐ മണ്ഡലം കമ്മിറ്റി അംഗം എ സോമശേഖരൻ എന്നിവർ സംസാരിച്ചു. ഏരിയ കമ്മിറ്റി അംഗം തുളസീമണിയമ്മ സ്വാഗതവും ലോക്കൽ കമ്മിറ്റി അംഗം അശോകൻ പിള്ള നന്ദിയും പറഞ്ഞു.കെ ആർ മുകേഷ് (പ്രസിഡൻ്റ്) കെ എം മനോജ് (സെക്രട്ടറി) എന്നിവർ ഭാരവാഹികളായ 101 അംഗ എക്സിക്യുട്ടീവ് കമ്മിറ്റിയും 150 ജനറൽ കമ്മിറ്റിയും തെരെഞ്ഞെടുത്തു.