ബാക്കി ചോദിച്ചതിന് ബസ് കണ്ടക്ടര്‍ യാത്രക്കാരനെ ക്രൂരമായി മര്‍ദിച്ചു

തിരുവനന്തപുരം : പേരൂര്‍ക്കടയില്‍ ഒരു രൂപ ബാക്കി ചോദിച്ചതിന് ബസ് കണ്ടക്ടര്‍ യാത്രക്കാരനെ ക്രൂരമായി മര്‍ദിച്ചു. കല്ലമ്പലം സ്വദേശി ഷിറാസിനാണ് മര്‍ദനമേറ്റത്. ഷിറാസാണ് തന്നെ മര്‍ദ്ദിച്ചതെന്ന് കാണിച്ച്‌ കണ്ടക്ടര്‍ നേരത്തെ പരാതി നല്‍കിയിരുന്നു. ടിക്കറ്റിന്റെ ബാക്കി പണം ചോദിച്ചതിന് പിന്നാലെ യാത്രക്കാരുടെ സാന്നിദ്ധ്യത്തിലായിരുന്നു കണ്ടക്ടര്‍ ഷിറാസിനെ മര്‍ദിച്ചത്. ദിവസങ്ങള്‍ക്ക് മുമ്പാണ് സംഭവം നടന്നത്. യാത്രക്കാരിലൊരാള്‍ ദൃശ്യങ്ങള്‍ ഫോണില്‍ പകര്‍ത്തി സോഷ്യല്‍ മീഡിയയില്‍ പോസ്റ്റ് ചെയ്യുകയായിരുന്നു. യുവാവ് പരാതിയൊന്നും നല്‍കിയിരുന്നില്ല. ദൃശ്യങ്ങള്‍ സോഷ്യല്‍ മീഡിയയില്‍ വൈറലായതോടെ ഷിറാസാണ് മര്‍ദിച്ചതെന്ന് കാണിച്ച്‌ കണ്ടക്ടര്‍ പോലീസില്‍ പരാതി നല്‍കി. എന്നാല്‍ സംശയം തോന്നിയ പോലീസ് യാത്രക്കാരില്‍ നിന്ന് മൊഴിയെടുക്കുകയായിരുന്നു.