പമ്പയിലെത്തിയ പോലിസ് വാഹനത്തില്‍ ചന്ദ്രക്കലയും നക്ഷത്രവും

പത്തനംതിട്ട : പമ്പയിലെത്തിയ പോലിസ് വാഹനത്തില്‍ ഇസ്ലാം മത ചിഹ്നം. പമ്പയില്‍ ഡ്യൂട്ടിക്ക് പോലീസുകാരെ എത്തിച്ച കെ എ പി ബറ്റാലിയന്റ വാഹനത്തിലാണ് ചന്ദ്രക്കലയും നക്ഷത്രവും പതിച്ചത്. തീര്‍ത്ഥാടകര്‍ വാഹനത്തിന്റെ ദൃശ്യങ്ങള്‍ സമൂഹമാദ്ധ്യമങ്ങളില്‍ പങ്കുവെച്ചതോടെ സംഭവം വിവാദമായി. പോലീസ് വാഹനത്തിന്റെ പിറകില്‍ രണ്ട് വശങ്ങളിലുമാണ് ചന്ദ്രക്കലയും നക്ഷത്രവും സ്റ്റിക്കര്‍ പതിച്ചിരിക്കുന്നത്. കേരള പോലീസിന്റെ ഔദ്യോഗിക വാഹനത്തില്‍ ഇത്തരം ചിഹ്നങ്ങള്‍ ഒന്നും അനുവദിക്കില്ല എന്നുള്ളപ്പോഴാണ് മതചിഹ്നം തന്നെ പതിച്ചിരിക്കുന്നത്. എന്ത് ലക്ഷ്യത്തിലാണ് പോലീസ് വാഹനത്തില്‍ ചിഹ്നം പതിച്ചത് എന്ന് കേരള സര്‍ക്കാര്‍ വ്യക്തമാക്കണമെന്നും തീര്‍ത്ഥാടകര്‍ ആവശ്യപ്പെടുന്നു.