തിരുവനന്തപുരം: ആര്ഡിഒ കോടതിയില് നിന്നും പ്രതി ശ്രീകണ്ഠന് നായര് മോഷ്ടിച്ച തൊണ്ടിമുതലിലെ 12 പവന് സ്വര്ണം പോലീസ് കണ്ടെത്തി. ബാലരാമപുരത്തെ ഒരു ജ്വല്ലറിയില് നിന്നുമാണ് സ്വര്ണം കണ്ടെത്തിയത്. ചാലയിലെ ഒരു ജ്വല്ലറിയിലും സ്വര്ണം വിറ്റെന്ന് ശ്രീകണ്ഠന് നായര് മൊഴി നല്കിയിരുന്നു. തൊണ്ടിമുതല് മോഷണത്തില് മുന് സീനിയര് സൂപ്രണ്ട് ശ്രീകണ്ഠന് നായരെ ഇന്നാണ് പേരൂര്ക്കട പോലീസ് അറസ്റ്റ് ചെയ്തത്. സാമ്പത്തിക പ്രയാസം വന്നപ്പോഴാണ് തൊണ്ടിമുതല് മോഷ്ടിച്ചതെന്നാണ് പ്രതി പോലീസിന് മൊഴി നല്കിയത്.
തിരുവനന്തപുരം ആര്ഡിഒ കോടതിയുടെ ലോക്കറില് സൂക്ഷിച്ചിരുന്ന നൂറു പവനിലധികം സ്വര്ണവും ഇതുകൂടാതെ വെള്ളി ആഭരണങ്ങളും പണവുമാണ് മോഷണം പോയത്. കളക്ടറിലേറ്റില് നിന്നും തൊണ്ടിമുതലുകള് കാണാതായതിന് കഴിഞ്ഞ മാസം 31നാണ് സബ് കളക്ടറുടെ പരാതിയില് പേരൂര്ക്കട പോലീസ് കേസെടുത്തത്. കളക്ടേറ്റില് നിന്നും തൊണ്ടിമുതലുകള് മോഷ്ടിച്ച കേസ് വിജിലന്സിന് കൈമാറാന് റവന്യൂവകുപ്പ് ശുപാര്ശ ചെയ്തിരുന്നു. ഇക്കാര്യത്തില് ഉത്തരവ് വൈകുന്നതില് വിമര്ശനം മുറുകുന്നതിനിടെയാണ് പ്രതിയെ പേരൂര്ക്കട പോലീസ് അറസ്റ്റ് ചെയ്തത്.