ടെലിഫോൺ കേബിളിൽ നിന്നും ചെമ്പ് മോഷ്ടിച്ചു

കോന്നി : കോന്നി മാരൂർപാലത്ത് ടെലിഫോൺ കേബിളിന്റെ ചെമ്പ് മോഷ്ടാക്കൾ അപഹരിച്ചു. മാരൂർ പാലത്ത് റോഡ് നിർമ്മാണം നടക്കുന്ന ഭാഗത്ത് നിന്നാണ് ചെമ്പ് മോഷണം പോയത്. കട്ടിയേറിയ ബി എസ് എൻ എൽ ടെലിഫോൺ കേബിൾ അറുത്ത് എടുത്ത ശേഷം സമീപത്തെ പറമ്പിൽ കൊണ്ടുപോയി കേബിൾ കത്തിച്ച് ചെമ്പ് മോഷ്ടിച്ചു കൊണ്ട് പോവുകയായിരുന്നു. ഫോൺ കേബിൾ മുറിച്ച് മാറ്റപെട്ടത്തോടെ വകയാർ, എലിയറക്കൽ, ഊട്ടുപാറ, കല്ലേലി തുടങ്ങി നിരവധി സ്ഥലങ്ങളിലെ ടെലിഫോൺ ബന്ധവും ഇന്റർനെറ്റ്‌ കണക്ഷനും നഷ്ടപ്പെട്ടു. 1200 ഫോൺ കണക്ഷനുകൾ ആണ് നഷ്ടമായത്. രണ്ട് ലക്ഷം രൂപയുടെ നഷ്ടം സംഭവിച്ചിട്ടുണ്ട്. ഇത് പുനസ്ഥാപിക്കുവാൻ ഒരാഴ്ച്ച സമയം വേണ്ടി വരും.