കൊച്ചി : മുഖ്യമന്ത്രിക്കെതിരായ വിമാനത്തിലെ പ്രതിഷേധത്തില് യൂത്ത്കോണ്ഗ്രസ് നേതാക്കളായ മൂന്നു പ്രതികള്ക്കും ഹൈക്കോടതി ജാമ്യം അനുവദിച്ചു. ഫര്സീന് മജീദിനും നവീന് കുമാറിനും ജാമ്യവും സുജിത്ത് നാരായണന് മുന്കൂര് ജാമ്യവുമാണ് അനുവദിച്ചത്. വിമാനത്തില് നടന്നത് മുദ്രാവാക്യം വിളിമാത്രമാണെന്നും അതിന് വധശ്രമത്തിന് കേസെടുക്കാന് കഴിയില്ലെന്നും ഹര്ജിക്കാര് കോടതിയെ അറിയിച്ചിരുന്നു. വിമാനം ലാന്ഡ് ചെയ്തപ്പോള് രണ്ട് വട്ടം മുദ്രാവാക്യം വിളിക്കുക മാത്രമാണ് ചെയ്തതെന്നും ഹര്ജിയില് ചൂണ്ടികാട്ടുന്നു. ഹൈക്കോടതിയില് ജാമ്യാപേക്ഷ പരിഗണിക്കുമ്പോഴാണ് പ്രതികളുടെ അഭിഭാഷകന് ഈ വാദം ഉന്നയിച്ചത്. മുഖ്യമന്ത്രിയെ ആക്രമിച്ചില്ല. സിസിടിവി ദൃശ്യങ്ങള് പരിശോധിച്ചാല് ഇക്കാര്യം വ്യക്തമാകുമെന്നും പ്രതികള് അറിയിച്ചു.
മുഖ്യമന്ത്രിക്കെതിരായ വിമാനത്തിലെ പ്രതിഷേധം ; മൂന്നു പ്രതികള്ക്കും ജാമ്യം
RECENT NEWS
Advertisment