പത്തനംതിട്ട : കോൺഗ്രസ് നേതാവ് രാഹുൽ ഗാന്ധിയുടെ വയനാട്ടിലെ ഓഫീസിന് നേരെ സിപിഎം നിർദ്ദേശ പ്രകാരം എസ്എഫ്ഐ ഗുണ്ടകൾ നടത്തിയ ആക്രമണം സ്വർണ, കറൻസി കടത്ത് കേസിൽ മുഖ്യമന്ത്രിയുടെയും കുടുംബത്തിന്റെയും പങ്ക് സ്വപ്ന സുരേഷ് വഴി വെളിവായതിൽ നിന്നും ജനശ്രദ്ധ തിരിച്ചുവിടാനാണെന്ന് ഡിസിസി പ്രസിഡന്റ് പ്രൊഫ. സതീഷ് കൊച്ചുപറമ്പിൽ പറഞ്ഞു. രാഹുൽ ഗാന്ധിയുടെ വയനാട്ടിലെ ഓഫീസിനുനേരെ നടന്ന ആക്രമണത്തിൽ പ്രതിഷേധിച്ച് ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ പത്തനംതിട്ടയിൽ നടത്തിയ പ്രതിഷേധ മാർച്ചും റോഡ് ഉപരോധവും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
രാഹുൽ ഗാന്ധിയുടെ ഓഫീസും പാർട്ടിയുടെ മറ്റ് സ്ഥാപനങ്ങളും കൊടിമരങ്ങളും തകർക്കുന്നതിലൂടെ കോൺഗ്രസിനെ ഇല്ലാതാക്കാമെന്നത് സിപിഎം അനുയായികളുടെ വ്യാമോഹം മാത്രമാണെന്നും സതീഷ് കൊച്ചുപറമ്പിൽ പറഞ്ഞു. ഇത്തരം ആക്രമണങ്ങളെ ഇന്ത്യൻ നാഷണൽ കോൺഗ്രസ് ശക്തമായി പ്രതിരോധിക്കുമെന്നും അദ്ദേഹം പറഞ്ഞു. ബ്ലോക്ക് പ്രസിഡന്റ് അബ്ദുൾ കലാം ആസാദ് അധ്യക്ഷത വഹിച്ചു.
മുൻ ഡിസിസി പ്രസിഡന്റ് പി.മോഹൻരാജ്, യുഡിഎഫ് ജില്ലാ കൺവീനർ എ.ഷംസുദ്ദീൻ, കെപിസിസി സെക്രട്ടറി അനീഷ് വരിക്കണ്ണാമല, ഡിസിസി ഭാരവാഹികളായ എ.സുരേഷ് കുമാർ, വെട്ടൂർ ജ്യോതിപ്രസാദ്, സാമുവൽ കിഴക്കുപുറം, കെ.ജാസിംകുട്ടി, സുനിൽ എസ്. ലാൽ, റോഷൻ നായർ, എം.എസ്.പ്രകാശ്, ഡിസിസി അംഗങ്ങളായ പി.കെ.ഗോപി, എ.ഫറൂക്ക്, പി.കെ.ഇക്ബാൽ, മണ്ഡലം പ്രസിഡന്റുമാരായ റെനീസ് മുഹമ്മദ്, സജി അലക്സാണ്ടർ, ബ്ലോക്ക് ഭാരവാഹികളായ സജി കെ. സൈമൺ, നാസർ തോണ്ടമണ്ണിൽ, അജിത്ത് മണ്ണിൽ, അഫ്സൽ ആനപ്പാറ, അഫ്സൽ വി. ഷേക്ക്, അൻസാർ മുഹമ്മദ്, അഖിൽ അഴൂർ, ഷാനവാസ് പെരിങ്ങമല, തട്ടയിൽ ഹരികുമാർ, സുബൈർ പത്തനംതിട്ട, വിൽസൺ ചിറക്കാല, ജോർജ് യോഹന്നാൻ, സിബി മൈലപ്ര, ഷിബു മല്ലപ്പുഴശ്ശേരി, അശോകൻ, ബിജു വട്ടക്കുളഞ്ഞി, വിൽസൺ ചിറക്കാല എന്നിവർ പ്രസംഗിച്ചു.