റിയാദ് : അനധികൃതമായി ബഹ്റൈനില് നിന്നു സൗദിയിലേക്കു മദ്യക്കടത്ത്. കേസില് കോട്ടയം ഈരാറ്റുപേട്ട സ്വദേശി ഷാഹുല് മുനീറിന് (26) ദമാം ക്രിമിനല് കോടതി 10.9 കോടി രൂപ (58 ലക്ഷം റിയാല്) പിഴയും നാടുകടത്തലും ശിക്ഷ വിധിച്ചു. കിങ് ഫഹദ് കോസ് വേയില് മുനീര് ഓടിച്ച ട്രെയ്ലറില് നിന്ന് 4000 മദ്യക്കുപ്പികള് കണ്ടെടുത്ത കേസിലാണ് വിധി. ഇത്തരം കേസില് വിദേശിക്കു ലഭിക്കുന്ന പരമാവധി ശിക്ഷയാണിത്.
ട്രെയ്ലറില് മദ്യക്കുപ്പികളാണെന്ന് അറിയില്ലായിരുന്നുവെന്നു വാദിച്ചെങ്കിലും തെളിവുകള് ഷാഹുല് മുനീറിന് എതിരായിരുന്നു. അര്ബുദബാധിതനായ സഹോദരന്റെ ചികിത്സയ്ക്കായി സുഹൃത്തിന്റെ സഹായം തേടിയ താന് വഞ്ചിക്കപ്പെട്ടതാണെന്നും കോടതിയെ അറിയിച്ചു. നിരപരാധിത്വം തെളിയിക്കാന് അപ്പീല് കോടതി ഒരു മാസത്തെ സാവകാശം നല്കിയിട്ടുണ്ട്.