ചിറയ്ക്കപ്പാറ കടവ് ശോച്യാവസ്ഥയിൽ

മല്ലപ്പള്ളി : കോട്ടാങ്ങൽ പഞ്ചായത്ത് പ്രദേശത്തെ മണിമലയാറ്റിലെ ചിറയ്ക്കപ്പാറ കടവ് ശോച്യാവസ്ഥയിൽ. കോട്ടാങ്ങൽ – പാടിമൺ ജേക്കബ്സ് റോഡിൽ നിന്നും കടവിലേക്ക് ഇറങ്ങുന്ന ഭാഗത്ത് കോൺക്രീറ്റ് സംരക്ഷണമില്ലാതെ ഇളകി കിടക്കുകയാണ്. കടവിൽ ചെളിയും മണ്ണും നിറഞ്ഞ് വശങ്ങളിൽ കാടു മൂടിയ നിലയിലാണ്. കോട്ടയം ജില്ലയിലെ വെള്ളാവൂർ പഞ്ചായത്ത് ഭാഗമായ മറുകരയിൽ കല്ലുപാകി പടിക്കെട്ടുകളും നിർമിച്ച് മനോഹരമാക്കിയിട്ടുണ്ട്. ഇവിടെ ഇരു കരകളെയും ബന്ധിപ്പിച്ച് പാലം നിർമ്മിക്കുന്നതിന് സംസ്ഥാന ബജറ്റിൽ 13 ലക്ഷം രൂപ അനുവദിച്ചിട്ടുണ്ട്. എന്നാൽ നടപടിക്രമങ്ങൾ ഇഴഞ്ഞുനീങ്ങുകയാണെന്നാണ് നാട്ടുകാരുടെ ആരോപണം.