തിരുവനന്തപുരം : സ്വര്ണക്കടത്തു കേസില് നടക്കാന് പാടില്ലാത്തതു പലതും സംഭവിച്ചെന്ന് കേന്ദ്ര വിദേശകാര്യ മന്ത്രി എസ്.ജയശങ്കര്. കോണ്സുലേറ്റില് നടന്ന കാര്യങ്ങളെക്കുറിച്ചു വിദേശകാര്യ മന്ത്രാലയത്തിനു വ്യക്തമായ അറിവുണ്ട്. പ്രോട്ടോക്കോള് ലംഘനങ്ങളും ഉണ്ടായി.
സര്ക്കാര് ആയാലും ഉദ്യോഗസ്ഥരായാലും നിയമനത്തിനു വിധേയമായി പ്രവര്ത്തിക്കണമായിരുന്നു. കേസില് വൈകാതെ സത്യം പുറത്തുവരും. കോടതിയുടെ പരിഗണനയില് ഇരിക്കുന്ന കാര്യമായതിനാല് കൂടുതല് പ്രതികരണങ്ങള് നടത്താനാവില്ലെന്നും ഇതു സംബന്ധിച്ച ചോദ്യങ്ങള്ക്കു മന്ത്രി മറുപടി നല്കി.