ചാത്തന്നൂര് : സ്കൂട്ടറിലെത്തിയ രണ്ടംഗസംഘം വീട്ടില് നിന്ന് ആടിനെ കടത്തിക്കൊണ്ടുപോയി. ചിറക്കര പഞ്ചായത്ത് ഓഫീസിന് സമീപം കഴിഞ്ഞ ദിവസം വൈകിട്ട് നാലുമണിയോടെയായിരുന്നു സംഭവം. ചിറക്കര താഴം ചരുവിള വീട്ടില് തുളസീധരന്റെ വീട്ടില് നിന്നാണ് 15000 രൂപ വിലവരുന്ന മുട്ടനാടിനെ മോഷ്ടിച്ചത്.
ഉടമ ചിറക്കര താഴം ജംഗ്ഷനില് നില്ക്കുമ്പോള് സ്കൂട്ടറില് കൊണ്ടുപോയ ആടിനെ തുളസീധരന് തിരിച്ചറിഞ്ഞു. സമീപത്തുണ്ടായിരുന്ന ഓട്ടോറിക്ഷയില് സ്കൂട്ടറിനെ പിന്തുടര്ന്നെങ്കിലും സംഘം രക്ഷപെട്ടു. സ്കൂട്ടറിന് നമ്പര് പ്ലേറ്റും ഇല്ലായിരുന്നു. പാരിപ്പള്ളി പോലീസില് പരാതി നല്കി.
