തിരുവനന്തപുരം: നവോത്ഥാന സമിതി സജീവമാക്കാനുള്ള നീക്കങ്ങള്ക്ക് തിരിച്ചടി.കണ്വീനര് സ്ഥാനം പുന്നല ശ്രീകുമാര് ഒഴിഞ്ഞു.തിരക്കുകള് കാരണം എന്നാണ് ഔദ്യോഗിക വിശദീകരണം.സര്ക്കാരിന്റെ നയങ്ങളോടുള്ള അതൃപ്തി ആണ് യാഥാര്ത്ഥ കാരണമെന്നാണ് സൂചന.പി രാമഭദ്രനാണ് പുതിയ കണ്വീനര്.ശബരിമല യുവതീ പ്രവേശന വിധി വന്നതിന് പിന്നാലെയുണ്ടായ വന് എതിര്പ്പുകളെ നേരിടാനായിരുന്നു സര്ക്കാര് മുന്കയ്യെടുത്ത് സമിതി ഉണ്ടാക്കിയത്. വനിതാമതിലടക്കം തീര്ത്ത് മുന്നോട്ട് പോയ സമിതി പിന്നെ നിര്ജ്ജീവമായി. രണ്ടാം പിണറായി സര്ക്കാര് അധികാരത്തില് വന്നശേഷം ആദ്യമായാണ് സമിതിയോഗം വിളിച്ചത്. നിയമാവലി അംഗീകരിച്ച് സമിതി സ്ഥിരം സംവിധാനമാക്കുകയാണ്. വര്ഗ്ഗീയ ശക്തികളെ നേരിടാനാണ് നീക്കമെന്നാണ് വിശദീകരണം. എന്നാല് ലോക്സഭാ തെരഞ്ഞെടുപ്പ് കൂടി മുന്നില്കണ്ട് വിവിധ സമുദായങ്ങളുടെ പിന്തുണ ഉറപ്പാക്കാന് കൂടിയാണ് സമിതി വീണ്ടും പൊടി തട്ടിയെടുക്കുന്നത് വഴി സര്ക്കാര് ലക്ഷ്യമിടുന്നത്.
സര്ക്കാരിന്റെ നയങ്ങളോടുള്ള അതൃപ്തി ; നവോത്ഥാന സമിതി കണ്വീനര് സ്ഥാനം പുന്നല ശ്രീകുമാര് ഒഴിഞ്ഞു
RECENT NEWS
Advertisment