മദ്യപിച്ച് ബഹളംവെച്ചത് ചോദ്യംചെയ്ത ഓട്ടോഡ്രൈവറെ കോടാലി കൊണ്ട് വെട്ടി ; അയൽവാസി അറസ്റ്റിൽ

എറണാകുളം : മദ്യപിച്ച് ബഹളംവെച്ചത് ചോദ്യംചെയ്ത ഓട്ടോറിക്ഷാ ഡ്രൈവറെ കോടാലി ഉപയോ​ഗിച്ച് വെട്ടിപ്പരിക്കേൽപ്പിച്ചയാൾ പോലീസിന്റെ പിടിയിലായി. എറണാകുളം തൃപ്പൂണിത്തുറയിലാണ് സംഭവം. കൊച്ചുപള്ളി ഗണപതിപ്പറമ്പിൽ മോഹനനാണ് (57) അറസ്റ്റിലായത്. ഇയാൾക്കെതിരെ ഉദയംപേരൂർ പോലീസ് വധശ്രമത്തിന് കേസെടുത്തു. ഉദയംപേരൂർ കൊച്ചുപള്ളി ഗണപതിപ്പറമ്പിൽ സുരേഷ് (47) ആണ് തലയ്ക്ക് വെട്ടേറ്റ് തൃപ്പൂണിത്തുറ താലൂക്കാശുപത്രിയിൽ ചികിത്സയിലുള്ളത്. മോഹനനും സുരേഷും അയൽവാസികളാണ്. മോഹനൻ മരംവെട്ടുകാരനാണ്. ശനിയാഴ്ച ഉച്ചയ്ക്ക് 2 മണിയോടെ കൊച്ചുപള്ളി ഓട്ടോ സ്റ്റാൻഡിൽ വെച്ചാണ് പ്രതി സുരേഷിനെ ആക്രമിച്ച് പരിക്കേൽപ്പിച്ചത്.