കൊച്ചി : ആരോഗ്യമന്ത്രി പരാജയമെന്ന് ഐഎംഎ പ്രസിഡന്റ് ഡോ രാധാകൃഷ്ണന്. മന്ത്രിക്കെതിരെ കോടതിയില് പോകും. നല്ല മന്ത്രി നേരത്തെ ഉണ്ടായിരുന്നു. ആരോഗ്യമന്ത്രിയുടെ ശ്രമം മാധ്യമ ശ്രദ്ധ നേടാനെന്നും വിമര്ശനം. വാസ്തവ വിരുദ്ധമായ കാര്യങ്ങള് പൊതുജന മദ്ധ്യത്തില് അവതരിപ്പിച്ച് രാഷ്ട്രീയ നേട്ടം ഉണ്ടാക്കാന് ശ്രമിക്കുന്ന പ്രവണത അംഗീകരിക്കാനാവില്ല.10 ഡോക്ടര്മാര് ഡ്യൂട്ടിയില് ഉണ്ടായിരുന്ന ആശുപത്രിയില് കേവലം രണ്ട് ഡോക്ടര്മാര് മാത്രമേ OP നടത്തിയുള്ളൂ എന്നു പ്രചരിപ്പിച്ചത് ഡോക്ടര്മാരെയും ആരോഗ്യ സ്ഥാപനത്തെയും അവഹേളിക്കാനുള്ള ശ്രമത്തിന്റെ ഭാഗമായി മാത്രമേ കാണാന് കഴിയുകയുള്ളൂ.
6 ഡോക്ടര്മാര് ഒ പി യിലും ഒരു ഡോക്ടര് മെഡിക്കല് ബോര്ഡ് കൂടുന്നതിനും രണ്ട് ഡോക്ടര്മാര് കോടതി ഡ്യൂട്ടിയിലും ഒരു ഡോക്ടര് റൗണ്സിലുമാണ് ഉണ്ടായിരുന്നത്.ആശുപത്രിയില് ഡ്യൂട്ടി സമയത്ത് വിവിധങ്ങളായ ഉത്തരവാദിത്തം ഉള്ളവരാണ് ഡോക്ടര്മാര് എന്ന അടിസ്ഥാന കാര്യം മന്ത്രി മറച്ചുവെയ്ക്കുന്നെന്നും ഇന്ത്യന് മെഡിക്കല് അസോസിയേഷന് വ്യക്തമാക്കി.