റാന്നി : കുട്ടികളുടെ സർഗ്ഗശേഷികൾ പരിപോഷിപ്പിക്കുന്നതിന് വേണ്ടി വിദ്യാലയങ്ങളിൽ പ്രവർത്തിക്കുന്ന വിദ്യാ രംഗം കലാസാഹിത്യ വേദിയുടെ ഉപജില്ലാതല ഉദ്ഘാടനം ജില്ലാ പഞ്ചായത്തംഗം ജെസ്സി അലക്സ് നിർവഹിച്ചു. റാന്നി ബി ആർ സി യിൽ നടന്ന പരിപാടിയിൽ പഴവങ്ങാടി പഞ്ചായത്തംഗം ബിനിറ്റ് മാത്യു അധ്യക്ഷത വഹിച്ചു. ചടങ്ങിൽ ഉപജില്ല വിദ്യാഭ്യാസ ഓഫീസർ റോസമ്മ ചാക്കോ മുഖ്യപ്രഭാഷണം നടത്തി.
വിദ്യാരംഗം കലാസാഹിത്യവേദി റാന്നി ഉപജില്ലാ കോഡിനേറ്റർ മിനി പി ശ്രീധർ, റാന്നി ബിപിസി ഷാജി എ. സലാം, പഴവങ്ങാടി ഗവൺമെന്റ് യുപി സ്കൂൾ പ്രഥമാധ്യാപകൻ ഷാജി തോമസ്, ശാസ്ത്രരംഗം ഉപ ജില്ലാ കോ-ഓർഡിനേറ്റർ എഫ്.അജിനി, പ്രിയംവദാ കുമാരി എന്നിവര് പ്രസംഗിച്ചു. തുടർന്ന് നാടക നടനും രചയിതാവും സംവിധായകനുമായ എസ് ശിവപ്രസാദ് അഭിനയ ശില്പശാല ക്ലാസ് എടുത്തു. പരിപാടിയിൽ സബ് ജില്ലയിലെ വിവിധ സ്കൂളുകളിലെ വിദ്യാരംഗം കോഡിനേറ്റർമാരും വിദ്യാർത്ഥി പ്രതിനിധികളും പങ്കെടുത്തു.