പത്തനംതിട്ട : ഇൻഡ്യയെ ഒന്നിപ്പിക്കുക എന്ന മുദ്രാവാക്യം ഉയർത്തി എ.ഐ.സി.സി മുൻ പ്രസിഡന്റ് രാഹുൽ ഗാന്ധി കാശ്മീർ മുതൽ കന്യാകുമാരിവരെ നയിക്കുന്ന ഭാരത് ജോഡോ യാത്രയുടെ വിജയകരമായ നടത്തിപ്പിനെക്കുറിച്ച് ആലോചിക്കുന്നതിനും ജില്ലാതല സ്വാഗത സംഘം രൂപീകരണത്തിനുമായി 2022 ആഗസ്റ്റ് 21- ഞായറാഴ്ച്ച ഉച്ചക്ക് 3-മണിക്ക് പത്തനംതിട്ട റോയൽ ഓഡിറ്റോറിയത്തിൽ ഡി.സി.സി നേതൃത്വത്തിൽ കൺവൻഷൻ നടത്തുെമെന്ന് ഡി.സി.സി ജനറൽ സെക്രട്ടറി സാമുവൽ കിഴക്കുപുറം അറിയിച്ചു.
ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിലിന്റെ അദ്ധ്യക്ഷതയിൽ ചേരുന്ന കൺവെൻഷൻ പ്രതിപക്ഷ നേതാവ് വി.ഡി സതീശൻ ഉദ്ഘാടനം ചെയ്യും. എം.പിമാർ, രാഷ്ട്രീയ കാര്യസമിതി അംഗങ്ങൾ, മുതിർന്ന നേതാക്കൾ, കെ.പി.സി.സി ഭാരവാഹികൾ എന്നിവർ പ്രസംഗിക്കും. കെ.പി.സി.സി ഭാരവാഹികൾ, കെ.പി.സി.സി അംഗങ്ങൾ, ഡി.സി.സി ഭാരവാഹികൾ, മുൻ ഭാരവാഹികൾ, ഡി.സി.സി അംഗങ്ങൾ,ബ്ലോക്ക്, മണ്ഡലം പ്രസിഡന്റുമാർ, പോഷക സംഘനകളുടെ സംസ്ഥാന ഭാരവാഹികൾ,
ജില്ലാ പ്രസിഡന്റുമാർ, ത്രിതല പഞ്ചായത്ത്, മുനിസിപ്പൽ ജന പ്രതിനിധികൾ, സഹകരണ സംഘം ഭാരവാഹികൾ എന്നിവർ പങ്കെടുക്കുമെന്ന് ഡി.സി.സി ജനറൽ സെക്രട്ടറി അറിയിച്ചു. ജില്ലാ തല സ്വാഗത സംഘം രൂപീകരണത്തിന് ശേഷം നിയോജക മണ്ഡലം, ബ്ലോക്ക്, മണ്ഡലം, ബൂത്ത് തലങ്ങളിലും ഇതിനായി കൺവെൻഷനുകൾ ചേർന്ന് സ്വാഗത സംഘം രൂപീകരിക്കുമെന്ന് സാമുവൽ കിഴക്കുപുറം അറിയിച്ചു.
