കുന്നിക്കോട് : പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവിനെ കുന്നിക്കോട് പോലീസ് അറസ്റ്റ് ചെയ്തു. തലവൂര്‍ പന്തപ്ലാവില്‍ പടിഞ്ഞാറ്റതില്‍ അനന്തു (25) ആണ് അറസ്റ്റിലായത്. പെണ്‍കുട്ടിയുടെ സഹോദരിയോടൊപ്പം പഠിച്ച അനന്തു അവരുടെ വീട്ടില്‍ താമസിച്ച്‌ വരികയായിരുന്നു.
പെണ്‍കുട്ടിയുടെ അമ്മ വിദേശത്ത് ജോലി ചെയ്യുന്നതിനാല്‍ മുത്തശ്ശിയുടെ സംരക്ഷണത്തിലാണ് കഴിയുന്നത്. കുന്നിക്കോട് എസ്.എച്ച്.ഒ എം.അന്‍വറിന്റെ നേതൃത്വത്തില്‍ എസ്.ഐ ജോയി, എ.എസ്.ഐ ലാലു, എസ്.സി.പി.ഒ അഭിലാഷ് എന്നിവരാണ് പ്രതിയെ അറസ്റ്റ് ചെയ്തത്.
