സിപിഎം ബ്രാഞ്ച് സെക്രട്ടറി പോലീസിനെ ആക്രമിച്ചു

പത്തനംതിട്ട : കൂടലിൽ സിപിഎം ബ്രാഞ്ച് സെക്രട്ടറി പോലീസിനെ ആക്രമിച്ചു. എടത്തറ ബ്രാഞ്ച് സെക്രട്ടറി രാജീവനാണ് കൂടൽ പോലീസ് സ്റ്റേഷനിലെ ഷാഫി, അരുൺ എന്നീ പോലീസ് ഉദ്യോഗസ്ഥരെ മർദിച്ചത്. രാജീവന്‍റെ  നേതൃത്വത്തിൽ തിരുവനന്തപുരം സ്വദേശികളായ അമ്മയെയും മകനെയും അക്രമിച്ചത് തടയുന്നതിനിടെയായിരുന്നു  പോലീസിന് മർദനമേറ്റത്. സംഭവത്തിൽ രാജീവനെ പോലീസ് അറസ്റ്റ് ചെയ്തു.