തോരാത്ത മഴയില്‍ കുതിര്‍ന്ന് മുംബൈ ; മഹാനഗരം മഞ്ഞ ജാഗ്രതയില്‍

മുംബൈ : മഴക്കാലം കഴിഞ്ഞുവെന്ന് കരുതിയ മുംബൈ വാസികളെയാണ് അവിചാരിതമായ കാലാവസ്ഥ വ്യതിയാനം വെട്ടിലാക്കിയത്. നിനച്ചിരിക്കാതെ പെയ്തിറങ്ങിയ മഴയില്‍ ഏറെ ദുരിതത്തിലായത് കുട പോലും കരുതാതെ ജോലിക്കിറങ്ങിയ ലക്ഷക്കണക്കിന് ആളുകളാണ്. ഇന്നലെ പുലര്‍ച്ചെ മുതല്‍ പെയ്തിറങ്ങിയ മഴ മുംബൈയെയും സമീപ പ്രദേശങ്ങളിലെയും ജീവിതം ദുസ്സഹമാക്കിയിരിക്കയാണ്. നിനച്ചിരിക്കാതെ പെയ്തിറങ്ങിയ മഴയില്‍ ഏറെ ദുരിതത്തിലായത് കുട പോലും കരുതാതെ ജോലിക്കിറങ്ങിയ ലക്ഷക്കണക്കിന് ആളുകളാണ്. അടുത്ത ദിവസങ്ങളിലും മഹാരാഷ്ട്രയിലുടനീളം മഴ തുടരുവാന്‍ സാധ്യതയുണ്ടെന്നാണ് കാലാവസ്ഥാ മുന്നറിയിപ്പ്.