എടത്വ : എടത്വ ഗ്രാമപഞ്ചായത്ത് പതിനഞ്ചാം വാര്‍ഡ് മെമ്പര്‍ മോളി എം.എച്ച്. (സിമി-43) നിര്യാതയായി. പെട്ടെന്നുണ്ടായ പനി നിമോണിയ ആയി മാറിയതിനെ തുടര്‍ന്ന് ആലപ്പുഴ വണ്ടാനം മെഡിക്കല്‍ കോളേജിലും തുടര്‍ന്ന് എറണാകുളത്തെ സ്വകാര്യ മെഡിക്കല്‍ കോളേജിലും ചികിത്സയിലായിരുന്നു. ഓപ്പറേഷനും മറ്റുചികിത്സ ആവശ്യങ്ങള്‍ക്കും വേണ്ടി വലിയ തുക ആവശ്യമായിരുന്നതിനാൽ പ്രസിഡന്റ് മറിയാമ്മ ജോര്‍ജ്ജിന്റെ നേതൃത്വത്തിൽ ഗ്രാമപഞ്ചായത്ത് അംഗങ്ങൾ എല്ലാവരും ചേർന്ന് ധനസഹായ സമാഹരണം നടത്തിയിരുന്നു.
പരേത പുന്നപ്ര മണ്ണാപറമ്പില്‍ കുടുംബാംഗമാണ്. തായങ്കരി പതിനഞ്ചില്‍ചിറ സിജോയാണ് ഭര്‍ത്താവ്. മക്കള്‍ – ബിസ്മി (10-ാം ക്ലാസ് വിദ്യാര്‍ത്ഥി, സെന്റ് മേരീസ് സ്‌കൂള്‍, ചമ്പക്കുളം), ബെറിക്ക് (6-ാം ക്ലാസ് വിദ്യാര്‍ത്ഥി, എസ്.എച്ച്. സ്‌കൂള്‍ ചമ്പക്കുളം).
