ഗാന്ധിനഗർ: ലൈംഗികാതിക്രമക്കേസിൽ സ്വയം പ്രഖ്യാപിത ആൾദൈവം ആശാറാം ബാപ്പു കുറ്റക്കാരനാണെന്ന് ഗുജറാത്തിലെ ഗാന്ധിനഗർ കോടതി തിങ്കളാഴ്‌ച വിധിച്ചു. ഏകദേശം 10 വർഷം മുമ്പ് അഹമ്മദാബാദിലെ മൊട്ടേരയിലുള്ള ആശ്രമത്തിൽ വെച്ച് തന്നെ ആശാറാം ബാപ്പു പലതവണ ബലാത്സംഗം ചെയ്‌തതായി സൂറത്ത് സ്വദേശിയായ ഒരു സ്ത്രീ ആരോപിച്ചിരുന്നു. ആശാറാം ബാപ്പു കുറ്റക്കാരനെന്ന് വിധിച്ച ഗാന്ധിനഗർ സെഷൻസ് കോടതി കേസിൽ ചൊവ്വാഴ്‌ച ശിക്ഷ പ്രഖ്യാപിക്കും.
ഇന്ത്യൻ ശിക്ഷാ നിയമത്തിലെ 342, 354 എ (ലൈംഗിക പീഡനം), 370 (4) (കടത്ത്), 376 (ബലാത്സംഗം), 506 (ക്രിമിനൽ ഭീഷണിപ്പെടുത്തൽ), 120 (ബി) (ക്രിമിനൽ ഗൂഢാലോചന) എന്നീ വകുപ്പുകൾ പ്രകാരമാണ് ആശാറാം ബാപ്പുവിനെതിരെ കേസെടുത്തിരിക്കുന്നത്. ആശാറാമിന്റെ മകൻ നാരായൺ സായിയും കേസിൽ പ്രതിയായിരുന്നു. ആശാറാമിന്റെ ഭാര്യ ലക്ഷ്‌മി, മകൾ ഭാരതി, നാല് അനുയായികളായ ധ്രുവ്ബെൻ, നിർമല, ജാസി, മീര എന്നിവരും കേസിൽ പ്രതികളായിരുന്നു. എന്നാൽ ഇവരെയെല്ലാം ഗാന്ധിനഗർ കോടതി വെറുതെവിട്ടു.
ആശാറാം ബാപ്പു ജയിലിൽ
ജോധ്പൂരിലെ ജയിലിലാണ് ആശാറാം ബാപ്പു ഇപ്പോൾ കഴിയുന്നത്. 2018ൽ ജോധ്പൂരിലെ ഒരു വിചാരണ കോടതി മറ്റൊരു ലൈംഗികാതിക്രമ കേസിൽ ഇയാൾ കുറ്റക്കാരനാണെന്ന് കണ്ടെത്തി ജയിൽ ശിക്ഷ വിധിച്ചിരുന്നു. 2013ൽ ജോധ്പൂർ ആശ്രമത്തിൽ വെച്ച് 16കാരിയെ ബലാത്സംഗം ചെയ്‌ത കേസിലാണ് ഇയാൾ കുറ്റക്കാരനാണെന്ന് കണ്ടെത്തിയത്.
തുടർന്ന് 77 വയസുകാരനായ ആൾദൈവം ഐപിസി സെക്ഷൻ 376, ലൈംഗിക കുറ്റകൃത്യങ്ങൾ (പോക്‌സോ) നിയമപ്രകാരമുള്ള കുട്ടികളുടെ സംരക്ഷണം, ജുവനൈൽ ജസ്‌റ്റിസ് (ജെജെ) നിയമം എന്നിവ പ്രകാരമാണ് ശിക്ഷിക്കപ്പെട്ടത്. 2013 ഓഗസ്‌റ്റിൽ ഇൻഡോറിൽ നിന്ന് അറസ്‌റ്റിലായ ആശാറാമിനെ 2013 സെപ്റ്റംബറിലാണ് ജോധ്പൂരിലെത്തിച്ചത്.
ന്യുസ് ചാനലില്‍ ബിസിനസ് ഡെവലപ്മെന്റ് മാനേജരുടെ ഒഴിവുകള്‍
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില്‍ കമ്മീഷനും ലഭിക്കും. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
