കോന്നി : എം.എല്.എ ഫണ്ട് ഉപയോഗിച്ച് റീ കോണ്ക്രീറ്റ് ചെയ്ത റോഡില് കോണ്ക്രീറ്റ് ചെയ്ത അതേ ദിവസം തന്നെ സാമൂഹ്യ വിരുദ്ധര് കാറുകള് ഓടിച്ചു കയറ്റി. കാറുകള് തടയാന് എത്തിയ കാരാറുകാരുടെ ജോലിക്കാരെയും കയ്യേറ്റം ചെയ്തു. ഉച്ചയോടെ കോന്നി ഇളകൊള്ളൂരില് ആയിരുന്നു സംഭവം നടന്നത്. ഇളകൊള്ളൂര് പള്ളിപടി – അമ്പലംപടി റോഡിലാണ് കോന്നി എം.എല്.എ യുടെ ഫണ്ട് ഉപയോഗിച്ച് ടാറിങ്ങും റീ ടാറിങ്ങും നടന്നത്. മണിക്കൂറുകള് കഴിഞ്ഞപ്പോള് രണ്ട് കാറുകള് റോഡിലൂടെ അതിക്രമിച്ച് കടന്നുവരികയായിരുന്നു. സംഭവം തടയുവാന് എത്തിയ ജോലിക്കാരെയും ഇവര് കയ്യേറ്റം ചെയ്തു.
വര്ഷങ്ങളായി തകര്ന്നു കിടന്നിരുന്ന റോഡ് നാട്ടുകാരുടെ നിരന്തരമായ ആവശ്യത്തെ തുടര്ന്നാണ് കോന്നി എം.എല്.എ 23 ലക്ഷം രൂപ അനുവദിച്ച് നിര്മ്മാണം ആരംഭിച്ചത്. റോഡ് നിര്മ്മാണം ആരംഭിച്ചപ്പോള് തന്നെ ഇതുമായി ബന്ധപ്പെട്ട് റോഡ് ഗതാഗതം നിരോധിച്ചതായി ബോര്ഡ് സ്ഥാപിച്ചിരുന്നു. എന്നാല് ഇതെല്ലാം മറികടന്നാണ് കാറുകള് കയറ്റികൊണ്ടു വന്നത്. സംഭവത്തെ തുടര്ന്ന് കോണ്ക്രീറ്റ് വിണ്ട് കീറുകയും ചെയ്തു. സംഭവത്തില് പ്രമാടം ഗ്രാമ പഞ്ചായത്ത് പ്രസിഡണ്ടും വാര്ഡ് അംഗവും കോന്നി പോലീസില് പരാതി നല്കി.
