അടൂര് : അടൂര് കെ.എസ്.ആര്.റ്റി.സി ഡിപ്പോയിലെ യാഡിന്റെ കോണ്ക്രീറ്റ് ജോലികള് ആരംഭിക്കുന്നതിനാല് ഫെബ്രുവരി 25 മുതല് മാര്ച്ച് 20 വരെ ഡിപ്പോയിലേക്ക് ബസുകളുടെ പ്രവേശനം നിരോധിച്ചു. ഫാസ്റ്റ് പാസഞ്ചര് ഉള്പ്പെടെ ദീര്ഘദൂര ബസുകള് ബസ് സ്റ്റേഷനിലേക്ക് പ്രവേശിക്കുന്ന കവാടത്തിന് സമീപം നിര്ത്തി യാത്രക്കാരെ കയറ്റി ഇറക്കിയ ശേഷം സര്വീസ് തുടരും. തിരുവനന്തപുരം ഭാഗത്തേക്കുള്ള ബസുകള് കെ.എസ്.ആര്.ടി.സി സ്റ്റാന്റിന് മുന്നിലുള്ള ബേക്കറിയുടെ മുന്വശത്തായും കോട്ടയം ഭാഗത്തേക്കുള്ള ബസുകള് ഡിപ്പോയുടെ പ്രവേശന കവാടത്തിന് മുമ്പിലായും നിര്ത്തി യാത്രക്കാരെ കയറ്റി ഇറക്കി സര്വീസ് നടത്തും. അടൂര് വരെ വരുന്ന ഓര്ഡിനറി ബസുകള് മാത്രം സ്റ്റാന്റില് പ്രവേശിച്ച് അപ്പോള് തന്നെ യാത്ര ആരംഭിക്കും. ബസ് സ്റ്റേഷനില് യാതൊരു വിധത്തിലും പാര്ക്കിംഗ് അനുവദിക്കില്ലെന്നും എ.റ്റി.ഓ അറിയിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
