ചെറുകോല്പ്പുഴ : 114 മത് ഹിന്ദുമത പരിഷത്തിന്റെ അഞ്ചാം ദിവസമായ ഇന്ന് കിടങ്ങന്നൂർ വിജയനന്ദ ആശ്രമം മഠാധിപ കൃഷ്ണാനന്ദ പൂർണിമാമയി മാതാജിയുടെ നേതൃത്വത്തിൽ 87 സമിതികൾ പങ്കെടുത്ത സമ്പൂർണ്ണ നാരായണീയ പാരായണം നടന്നു. ശ്രീകൃഷ്ണ ഭഗവാന്റെ ധർമ്മാധിഷ്ഠിതമായ ലീലകളും ഭഗവാൻ നൽകുന്ന സന്ദേശങ്ങളും മേൽപ്പത്തൂർ ഭക്തിസാന്ദ്രമായി നാരായണീയത്തിൽ വർണ്ണിച്ചിരുന്നു. സമൂഹമായി ഇത് പാരായണം ചെയ്യുമ്പോൾ പോസിറ്റീവായി ലഭിക്കുന്ന ഊർജ്ജം അന്തരീക്ഷത്തെ ശുദ്ധീകരിക്കുകയും മാനസിക ആശ്വാസം നൽകുകയും ചെയ്യുന്നു.
വനിതാ വേദി കൺവീനർ രത്നമ്മ വി പിള്ള, നാരായണീയത്തിന്റെ കൺവീനർ രാധാ എസ് നായർ, രമ മോഹൻ, പ്രസന്ന വേണുഗോപാൽ, ദീപ എസ് നായർ, രാധാമണിയമ്മ, പത്മിനി ആർ നായർ, ഓമന രാധാകൃഷ്ണൻ, രാധാമണി പിള്ള, ഗിരിജ കുമാരി, ശശികല പ്രദീപ്, ഉഷ രാജീവ് എന്നിവർ നേതൃത്വം നൽകി
