കുന്നംകുളം : ബഥനി സെന്റ്. ജോൺസ് ഇംഗ്ലീഷ് ഹയർ സെക്കന്ററി സ്കൂളിൽ ഗ്രാൻഡ് പേരെന്റ്സ് ഡേ ആഘോഷിച്ചു. തങ്ങളുടെ കൊച്ചുമക്കൾ പഠിക്കുന്ന വിദ്യാലയം കാണുവാനും അവരുടെ അധ്യാപകരോടും കൂട്ടുകാരോടും സൗഹൃദം പങ്കിടുവാനുമായി അനേകം ഗ്രാൻഡ് പേരെന്റ്സ് ആണ് പ്രോഗ്രാമിൽ പങ്കെടുത്തത്. കടന്നുവന്ന ഗ്രാൻഡ്പേരെന്റ്സിന് സ്കൂൾ ബാൻഡ് ഗാർഡ് ഓഫ് ഹോണർ നൽകി. രജിസ്ട്രേഷന് ശേഷം സ്കൂൾ അസംബ്ലി നടത്തുകയും പ്രിൻസിപ്പൽ ഫാ. യാക്കോബ് ഓ ഐ സി ഏവരെയും സ്വാഗതം ചെയ്യുകയും ചെയ്തു. മാനേജർ ഫാ. ബെഞ്ചമിൻ ഓ ഐ സി മുഖ്യസന്ദേശം നൽകി.
പി ടി എ പ്രസിഡന്റ് അഡ്വ. പ്രിനു പി വർക്കി ആശംസകൾ അറിയിച്ചു. അവരവരുടെ കൊച്ചുമക്കൾ പഠിക്കുന്ന ക്ലാസ്സ്മുറികളിൽ ഒത്തുകൂടിയ ഗ്രാൻഡ് പേരെന്റ്സ് ക്ലാസ്സ്മുറികളിൽ വിവിധ കലാപരിപാടികൾ അവതരിപ്പിച്ചു. തിരുവാതിരയും മോണോ ആക്റ്റും ആട്ടവും പാട്ടുമായി മുത്തശ്ശന്മാരും മുത്തശ്ശിമാരും സ്കൂൾ ആഘോഷം കൊണ്ട് നിറച്ചു. ഗ്രാൻഡ് പേരെന്റ്സ് സ്കൂൾ ലൈബ്രറിയിലേക്ക് പുസ്തകങ്ങൾ സംഭാവന ചെയ്തു. തങ്ങളുടെ മുത്തശ്ശന്മാരുടെയും മുത്തശ്ശിമാരുടെയും മുഖത്തെ ചിരി കുട്ടികൾക്കും ഒരുപാട് സന്തോഷം നൽകുന്നത് ആയിരുന്നു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
