പത്തനംതിട്ട : നിരോധിത ലഹരി വസ്തുക്കളുടെ ഉപഭോഗവും വിപണനവും നടക്കുന്നില്ലെന്ന് ഉറപ്പാക്കാനായി സന്നിധാനത്തും പരിസര പ്രദേശങ്ങളിലും സംയുക്ത പരിശോധന നടത്തി. മരക്കൂട്ടം മുതല് സന്നിധാനം വരെയുള്ള പ്രദേശത്താണ് പോലീസും എക്സൈസ് വിഭാഗവും സംയുക്തമായി പരിശോധന നടത്തിയത്. കടകള്, താത്കാലിക ജീവനക്കാരുടെ ഷെഡ്ഡുകള്, കൊപ്രാക്കളം എന്നിവിടങ്ങള് കേന്ദ്രീകരിച്ചു നടന്ന പരിശോധനയില് ലഹരി വസ്തുകള് കണ്ടെത്താനായിട്ടില്ല. തുടര്ന്ന് ഈ പ്രദേശങ്ങളില് പരിശോധന സംഘം ബോധവത്കരണം നടത്തി. എസ് എച്ച് ഒ സുരേഷ്, എക്സൈസ് ഇന്സ്പെകട്ര് അരുണ് എന്നിവരുടെ നേതൃത്വത്തിലാണ് പരിശോധന നടന്നത്. വരും ദിവസങ്ങളിലും പരിശോധന തുടരുമെന്നും കൂടുതല് പ്രദേശത്തേക്ക് വ്യാപിപ്പിക്കുമെന്നും ഇരുവരും അറിയിച്ചു.
സന്നിധാനത്ത് സംയുക്ത പരിശോധന നടത്തി
RECENT NEWS
Advertisment