മണര്‍കാട് : ജോലി കഴിഞ്ഞ് മടങ്ങിയ കെഎസ്ആർടിസി കണ്ടക്ടര്‍ക്ക് ബൈക്ക് അപകടത്തില്‍ ദാരുണാന്ത്യം. അമയന്നൂര്‍ സ്വദേശി പുളിയാമാക്കല്‍ നെടുങ്കേരി എന്‍ വി അനില്‍കുമാര്‍ ( 52 ) ആണ് മരിച്ചത്. ഇന്ന് പുലര്‍ച്ചെ ആറരയോടെ മണര്‍കാട് മാലം കാവുംപടി ജംഗ്ഷനിലായിരുന്നു സംഭവം ഉണ്ടായത്. ബൈക്ക് നിയന്ത്രണം വിട്ട് വീടിന്‍റെ മതിലിലിടിച്ച് മറിയുകയായിരുന്നു. അപകടത്തില്‍ തലയ്ക്കടക്കം ഗുരുതരമായി പരുക്കേറ്റിട്ടുണ്ട്. യാത്രാ ക്ഷീണത്താല്‍ ഉറങ്ങിപ്പോയതാണ് അപകടകാരണമെന്ന് കരുതുന്നു.
