കുവൈത്ത് സിറ്റി: കുവൈത്തിൽ വൻതോതിൽ ലഹരിമരുന്നുകളും തോക്കും വെടിയുണ്ടകളും പിടികൂടി. ഫർവാനിയയിലെ കുതിരലായങ്ങളുടെ മേഖലയിൽ വാടകയ്ക്കെടുത്ത താവളത്തിൽ നിന്നാണ് പോലീസ് ഇവ പകണ്ടെടുത്തത്. സംഭവത്തിൽ ഒരു സ്വദേശി യുവാവിനെയും പിടികൂടി. ക്രിമിനൽ സെക്യൂരിറ്റി സെക്ടറിന് കീഴിലെ ജനറൽ ഡിപ്പാർട്ട്മെന്റ് ഫോർ ഡ്രഗ് കൺട്രോളാണ് ലഹരിമരുന്നുകളും തോക്കും കൈവശം വെച്ച കുവൈത്ത് പൗരനെ അറസ്റ്റ് ചെയ്തത്.
തുടർന്ന് അബ്ദുള്ള അൽ-മുബാറക് മേഖലയിലുള്ള മറ്റൊരു കേന്ദ്രത്തിലും സുരക്ഷാ സേന പരിശോധന നടത്തി. 300 ഗ്രാമോളം കൊക്കെയ്ൻ, 250 ഗ്രാമോളം ഹാഷിഷ്, 3,500 ഓളം ലിറിക്ക ഗുളികകൾ, സിന്തറ്റിക് ലഹരി വസ്തുക്കൾ അടങ്ങിയ 1,000 ഓളം കെമിക്കൽ പേപ്പറുകൾ, 50 ഗ്രാമോളം മെത്താംഫെറ്റമിൻ, ഒരു പിസ്റ്റളും വെടിയുണ്ടകളും, 4 ഡിജിറ്റൽ ന്യൂതന ത്രാസുകൾ എന്നിവയും പരിശോധനയിൽ പിടികൂടി.
