കോന്നി : മണ്ണീറയിലെ പട്ടയ ഭൂമിയിലെ മരം മുറിക്കുവാൻ തടസ്സം നിൽക്കുന്ന ഫോറസ്റ്റ് ഉദ്യോഗസ്ഥരുടെ നിലപാട് തിരുത്തണം, മണ്ണീറയിലെ മുഴുവൻ അതിർത്തിയിലും ഹാങ്ങിങ് ഫെൻസിംഗ് സ്ഥാപിക്കണം, ഫോറസ്റ്റ് അധീനതയിലുള്ള റോഡ് പുനരുദ്ധരിക്കണം തുടങ്ങി നിരവധി ആവശ്യങ്ങൾ ഉന്നയിച്ചുകൊണ്ട് സിപിഐഎം മണ്ണീറ വാർഡ് കമ്മിറ്റിയുടെ നേതൃത്വത്തിൽ മണ്ണീറ ഫോറസ്റ്റ് സ്റ്റേഷനിലേക്ക് നടത്തിയ മാർച്ച് സിപിഎം ജില്ലാ കമ്മിറ്റി അംഗം എസ് ഹരിദാസ് ഉദ്ഘാടനം ചെയ്തു.
ലോക്കൽ കമ്മിറ്റി അംഗം സ്റ്റാൻലി ഫെർണാണ്ടസ് അധ്യക്ഷത വഹിച്ചു. ജോർജ് ജോസഫ്, പ്രവീൺ പ്രസാദ്, കെ വി സുഭാഷ് എന്നിവർ സംസാരിച്ചു. ഗ്രാമപഞ്ചായത്ത് അംഗം പി എൻ പത്മകുമാരി, സിപിഎം തണ്ണിത്തോട് ലോക്കൽ കമ്മിറ്റി അംഗങ്ങളായ പി ടി സാവിത്രി, ഈ കെ കൃഷ്ണൻകുട്ടി, എം കെ അജയകുമാർ, എം വി പ്രസാദ്, ബേബിൻ മേലെക്കൂറ്റ്, സുബിൻ സുരേഷ് എന്നിവർ പങ്കെടുത്തു. സമരത്തിന്റെ ഭാഗമായി കർഷകർ പട്ടയ ഭൂമിയിലെ മരങ്ങൾ മുറിച്ചു.
