പത്തനംതിട്ട : ഡിഫറന്റലി ഏബിള്ഡ് പീപ്പിള്സ് കോണ്ഗ്രസ് (ഡി.എ.പി.സി) ല് കേരള വികലാംഗ ഫെഡറേഷന് (കെ.വി.എഫ്) ലയനം നടത്തി. സംസ്ഥാനത്തെ മുഴുവന് ഭിന്നശേഷിക്കാര്ക്കും വേണ്ടി പ്രവര്ത്തിക്കുന്ന സംഘടനാ സംവിധാനം രൂപം കൊടുക്കുവാന് ഡി.എ.പി.സി തീരുമാനിച്ചു. കേന്ദ്ര-സംസ്ഥാന സര്ക്കാരുകള് ഭിന്നശേഷി സമൂഹത്തെ അവഗണിക്കുന്നതിനെതിരെ ശക്തമായ സമരപരിപാടിക്ക് നേതൃത്വം കൊടുക്കുവാന് സമ്മേളനത്തില് തീരുമാനമായി. ഡി.സി.സി ഓഡിറ്റോറിയത്തില് നടത്തിയ സമ്മേളനം ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് ഉദ്ഘാടനം ചെയ്തു. ഡി.എ.പി.സി സംസ്ഥാന പ്രസിഡന്റ് കൊറ്റാമം വിമല്കുമാര് അദ്ധ്യക്ഷത വഹിച്ചു.
ഡി.സി.സി വൈസ് പ്രസിഡന്റ് അഡ്വ. എ. സുരേഷ് കുമാര് ഡി.സി.സി ജനറല് സെക്രട്ടറി സാമുവല് കിഴക്കുപുറം, ബ്ലോക്ക് കോണ്ഗ്രസ് കമ്മിറ്റി പ്രസിഡന്റ് ജെറി മാത്യു സാം, മുന്സിപ്പല് കൗണ്സിലര് സി. കെ അര്ജുനന്, ഡി.എ.പി.സി സംസ്ഥാന ജനറല് സെക്രട്ടറി അനില് വെറ്റിലകണ്ടം, അച്ചന്കുഞ്ഞ് തിരുവല്ല, സജി കലഞ്ഞൂര്, രാധാകൃഷ്ണന് അടൂര്, റോസമ്മ വര്ഗീസ് പത്തനംതിട്ട, ബിനു ഏഴംകുളം, അമ്മിണി അലിമുക്ക്, രതീഷ് തിരുവല്ല, ജോളി പുത്തന്പീടിക തുടങ്ങിയവര് പ്രസംഗിച്ചു. ആന്റോ ആന്റണിയുടെ വിജയത്തിനുവേണ്ടി എല്ലാ നിയോജക മണ്ഡലത്തിലും സ്ക്വോഡ് രൂപീകരിച്ച് പ്രവര്ത്തിക്കുവാന് യോഗം തീരുമാനിച്ചു.
