ന്യൂഡല്ഹി: ലോക്സഭാ തെരഞ്ഞെടുപ്പിന്റെ ഒന്നാംഘട്ടം ഏപ്രില് പത്തൊന്പതിന് ആരംഭിക്കാനിരിക്കെ 2069 കോടി രൂപയുടെ ലഹരി സാധനങ്ങള് ഉള്പ്പെടെ 4,650 കോടിയുടെ വസ്തുക്കള് പിടിച്ചെടുത്തതായി തെരഞ്ഞെടുപ്പ് കമ്മീഷന് അറിയിച്ചു. 2019ല് ആകെ തെരഞ്ഞടുപ്പ് കമ്മീഷന് പിടിച്ചെടുത്തത് പണം ഉള്പ്പടെ 3,475 കോടിയുടെ വസ്തുക്കളായിരുന്നു. മാര്ച്ച് 1 മുതല് എന്ഫോഴ്സ്മെന്റ് അധികൃതര് പ്രതിദിനം 100 കോടി രൂപയുടെ വസ്തുക്കള് പിടിച്ചെടുത്തതായും തെരഞ്ഞെടുപ്പ് ഉദ്യോഗസ്ഥര് അറിയിച്ചു. രാജ്യത്തെ 75 വര്ഷത്തെ തെരഞ്ഞെടുപ്പ് ചരിത്രത്തിലെ എക്കാലത്തെയും ഉയര്ന്ന തുകയുടെ വസ്തുക്കളാണ് പിടിച്ചെടുത്തതെന്ന് ഇലക്ഷന് കമ്മീഷന് പ്രസ്താവനയില് അറിയിച്ചു. പിടികൂടിയവയില് 45 ശതമാനവും ലഹരിവസ്തുക്കളാണെന്നതും ശ്രദ്ധേയമാണ്.
ഫ്ളയിങ് സ്ക്വാഡ്, സ്റ്റാറ്റിക് സര്വെയലന്സ് ടീം, വീഡിയോ സര്വെയലന്സ് ടീം, വീഡിയോ വ്യൂയിങ് ടീം, അതിര്ത്തി ചെക്കുപോസ്റ്റുകളിലായി ഇരുപത്തിനാലു മണിക്കൂറും ഫ്ളയിങ് സ്ക്വാഡുകള് പ്രവര്ത്തിക്കുന്നതായി കമ്മീഷന് അറിയിച്ചു. വോട്ടര്മാരെ പണം, മദ്യം, ലഹരി പദാര്ത്ഥങ്ങള്, മറ്റു സാമ്പത്തിക ഇടപാടുകള് തുടങ്ങിവ ഉപയോഗിച്ച് സ്വാധീനിക്കാനുള്ള ശ്രമങ്ങള് തടയുന്നതായും കമ്മീഷന് പറഞ്ഞു. ഏപ്രില് 19, ഏപ്രില് 26, മെയ് 7, മെയ് 13, മെയ് 20, മെയ് 25, ജൂണ് 1 തീയതികളിലായി ഏഴ് ഘട്ടങ്ങളിലായാണ് ലോക്സഭാ തെരഞ്ഞെടുപ്പ് നടക്കുന്നത്. ജൂണ് നാലിന് ഫലപ്രഖ്യാപനം.
സംസ്ഥാന സര്ക്കാരിന്റെ ഇന്ഫര്മേഷന് & പബ്ലിക് റിലേഷന്സ് ഡിപ്പാര്ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ് ലൈന് ചാനലുകളില് ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്ലൈന് ചാനലുമാണ് പത്തനംതിട്ട മീഡിയ. കേന്ദ്ര ഇന്ഫര്മേഷന് & ബ്രോഡ്കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള് പോലെ സംസ്ഥാന വാര്ത്തകളോടൊപ്പം ദേശീയ, അന്തര്ദേശീയ വാര്ത്തകളും പ്രസിദ്ധീകരിക്കുന്ന ഓണ്ലൈന് ന്യൂസ് പോര്ട്ടലാണ് പത്തനംതിട്ട മീഡിയ. വ്യാജ വാര്ത്തകളോ കെട്ടിച്ചമച്ച വാര്ത്തകളോ പത്തനംതിട്ട മീഡിയയില് ഉണ്ടാകില്ല. വായനക്കാരുടെ അഭിപ്രായങ്ങള്ക്കും നിദ്ദേശങ്ങള്ക്കും മുന്തിയ പരിഗണന നല്കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
