റാന്നി: പെരുനാട് പഞ്ചായത്ത് പ്രസിഡന്റ് പി.എസ് മോഹനന്, വാർഡ് മെമ്പർ ശ്യാം, പാർട്ടി ലോക്കൽ കമ്മിറ്റി സെക്രട്ടറി റോബിന്തോമസ് എന്നിവർക്കെതിരെ ബിജെപി കോൺഗ്രസ് നടത്തുന്ന വ്യാജ പ്രചരണങ്ങൾക്കെതിരെ എൽ ഡി എഫ് പെരുനാട് പഞ്ചായത്ത് കമ്മറ്റിയുടെ നേതൃത്വത്തിൽ പെരുനാട് വലിയപാലം ജംഗ്ഷനിൽ രാഷ്ട്രീയ വിശദീകരണ യോഗം നടന്നു. യോഗം കോന്നി എം എൽ എ കെ.യു ജനീഷ് കുമാർ ഉദ്ഘാടനം ചെയ്തു.
സിപിഐ റാന്നി മണ്ഡലം സെക്രട്ടേറിയറ്റംഗം എസ്. എസ് സുരേഷ് അധ്യക്ഷത വഹിച്ചു. സിപിഐ(എം) ഏരിയ സെക്രട്ടറി എസ് ഹരിദാസ്,പെരുനാട് ഗ്രാമ പഞ്ചായത്ത് പ്രസിഡന്റ് പി എസ് മോഹനൻ,ബ്ലോക്ക് പഞ്ചായത്ത് പ്രസിഡന്റ് കെ എസ് ഗോപി,എം സി രാമചന്ദ്രൻ, എം എസ് രാജേന്ദ്രൻ, രാധാ പ്രസന്നൻ,ഗിരിജാ മധു, പി സി ചെറിയാൻ, എം എസ് ശ്യാം,റോബിൻ കെ തോമസ്,എന്നിവർ പ്രസംഗിച്ചു.
