അരുവാപ്പുലം : അരുവാപ്പുലം ഗ്രാമപഞ്ചായത്തില് സ്വകാര്യ വ്യക്തി ഗ്രാമ പഞ്ചായത്ത് വക റോഡ് കയ്യേറി ബോര്ഡ് സ്ഥാപിച്ച സംഭവത്തില് പ്രദേശവാസി അരുവാപ്പുലം ഗ്രാമപഞ്ചയത്തിന് പരാതി നല്കി. കല്ലേലി ആറാം വാര്ഡില് താമസിക്കുന്ന ഊട്ടുപാറ മാമൂട്ടില് എസ്റ്റേറ്റ് ജോര്ജ്ജ് ആണ് പരാതി നല്കിയത്. കല്ലേലി ആറാം വാര്ഡില് ഉള്പ്പെടുന്ന കരിപ്പാശ്ശേരി – മാമൂട്ടില് പള്ളി റോഡിലാണ് പ്രദേശത്തെ സ്വകാര്യ വ്യക്തി സ്വകാര്യ റോഡ് എന്ന് ബോര്ഡ് സ്ഥാപിച്ചതായി പരാതിയില് പറയുന്നത്. ഈ റോഡ് എം.എല്.എ ഫണ്ട് ഉപയോഗിച്ച് കോണ്ക്രീറ്റ് ചെയ്തതാണെന്നും ഇത് സ്വകാര്യ ഭൂമി അല്ലെന്നും പരാതിയില് പറയുന്നു.
പരാതിയെത്തുടന്ന് പഞ്ചായത്ത് സെക്രട്ടറി സ്ഥലം സന്ദര്ശിച്ചെങ്കിലും യാതൊരു നടപടിയും സ്വീകരിച്ചിട്ടില്ല. പ്രദേശത്ത് പുതിയ പാറമടയുടെ പ്രവര്ത്തനം തുടങ്ങുന്നതിന്റെ ഭാഗമായാണ് സ്വകാര്യ വ്യക്തി ഇത്തരത്തില് ബോര്ഡ് സ്ഥാപിച്ചതെന്നാണ് നാട്ടുകാര് പറയുന്നത്. പഞ്ചായത്തിലെ ഉദ്യോഗസ്ഥര് പാറമട മുതലാളിയെ വഴിവിട്ട് സഹായിക്കുകയാണെന്നും അതിനാലാണ് രേഖാമൂലം പരാതി നല്കിയിട്ടും നടപടി സ്വീകരിക്കാത്തതെന്നും നാട്ടുകാര് ആരോപിക്കുന്നു. എം.എല്.എ ഫണ്ട് ഉപയോഗിച്ച് കോണ്ക്രീറ്റ് ചെയ്ത റോഡ് എങ്ങനെ സ്വകാര്യ ഭൂമിയായി എന്നത് സംബന്ധിച്ചു ചോദ്യങ്ങള്ക്കും ഉത്തരം നല്കുവാന് പഞ്ചായത്ത് സെക്രട്ടറിക്ക് കഴിയുന്നില്ല. അരുവാപ്പുലം ഗ്രാമ പഞ്ചായത്ത് ഉദ്യോഗസ്ഥരുടെ നിശബ്ദതക്ക് പിന്നില് വന് അഴിമതിയുണ്ടെന്നും ഇതിനെതിരെ നിയമനടപടികളുമായി മുമ്പോട്ടുപോകുമെന്നും പ്രദേശവാസികള് പറഞ്ഞു.
