റാന്നി: കേന്ദ്ര സർക്കാരിന്റെ തെറ്റായ തൊഴിലുറപ്പ് നയങ്ങൾക്കെതിരെ റാന്നി-പെരുനാട് പഞ്ചായത്തിലെ തൊഴിലുറപ്പ് തൊഴിലാളികളും ജനപ്രതിനിധികളും ചേർന്ന് പ്രതിഷേധ കൂട്ടായ്മ സംഘടിപ്പിച്ചു. മുൻ എം എൽ എ രാജു ഏബ്രഹാം ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റും കേരളാ പഞ്ചായത്ത് അസോസിയേഷൻ ജില്ലാ പ്രസിഡന്റുമായ പി.എസ് മോഹനന് അദ്ധ്യക്ഷത വഹിച്ചു. പ്രധാനമന്ത്രിക്ക് നിവേദനം നല്കുന്നതിനായി 15 വാർഡുകളിലെ തൊഴിലാളികളിൽനിന്നും പൊതുജനങ്ങളിൽനിന്നും ഒപ്പു ശേഖരണവും നടത്തി.
വൈസ് പ്രസിഡന്റ് ഡി ശ്രീകല, വികസകാര്യ സ്റ്റാൻന്റിംങ് കമ്മിറ്റി ചെയർമാൻ സി എസ് സുകുമാരൻ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എം.എസ് ശ്യാം, മെംബർമാരായ രാജം ടീച്ചർ, ഐഷാബീവി, റിൻസിമോൾ, മുൻ ജില്ലാ പഞ്ചായത്ത് മെമ്പർ എസ് ഹരിദാസ്, പഞ്ചായത്ത് വികസന സമിതി കൺവീനർ റോബിൻ കെ തോമസ്, മുൻ മെംബർമാരായ പി കെ അനിൽകുമാർ, സി ആർ മോഹനൻ, രാധാ പ്രസന്നൻ എന്നിവർ പ്രസംഗിച്ചു.
